Budan burynǵy saılaýdaǵydaı emes, bul jolǵy jeńistiń orny bólekteý. Buryn saılaýshylar konservatorlarǵa boljammen úmit artsa, bul jolǵy jeńisti olardyń bes jylǵy jumysyna baǵa dep qabyldaýǵa da bolady. О́tken joly Brıtanııa aldynda Shotlandııanyń bólinip shyǵý qaýpi tursa, Kemeron úkimeti odan oıdaǵydaı ótken. Tipti, osy saılaýda da sol Shotlandııada ultshyldar basym daýysqa jetse de, bul aımaqtyń bólinip shyǵý máselesi kún tártibinde joq.
Ádette, bıliktegi partııaǵa kóp syn aıtylady. Konservatorlar ony da bastan keshti. Soǵan qaraı, saılaý aldyndaǵy boljamda leıborısterge jurttyń yqylasy basymdaý da kóringen. Bir saýalnamalarǵa qaraǵanda, olar kóbirek daýys jınaýǵa tıis edi. Leıborıster kósemi Edvard Mılıbend saılaý qorytyndysyna optımızmmen qarady. Olar saılaýshylardy salyqty azaıtý ýádesimen de qyzyqtyrǵan. Sóıtse de, olar oısyraı jeńildi.
Konservatorlar parlamenttiń zań shyǵarýshy palatasyndaǵy 650 orynnyń 338 ornyna ıe boldy. Bul degenińiz – basqalarmen koalısııa qurmaı-aq úkimet qura alady, óz bastamalaryn parlamentke ótkize alady degen sóz. О́tken joly olar lıberal-demokrattarmen odaqtasyp baryp, kópshilik daýysqa jetken, sol úshin lıberaldarǵa vıse-premer ornyn usynǵan. Endi eshkimniń qas-qabaǵyna qaramaıdy, óz baǵyttaryn júrgizedi.
Ulybrıtanııada qazirgi ishki-syrtqy saıasat jalǵasady degende, eldiń ishki birligine, ekonomıkadaǵy turaqtylyqqa, birinshi kezekte brıtandyq múddeniń qoıylýyna, syrtqy saıasatta burynǵysynsha AQSh-pen odaqtastyqqa aıryqsha nazar aýdarylmaq. Biraz saıasatshylar men sarapshylardyń Kemeronnyń sonaý bastan 2017 jyly Ulybrıtanııanyń Eýroodaqtan shyǵý máselesin referendýmǵa shyǵarý ýádesine qarap, eýropalyq birlikke ony teris qaraıtyndaı kórsetetini bar. Shyn máninde, ol – eýropalyq múddege barynsha belsendi qyzmet etip kele jatqan qaıratker. Al Eýropalyq odaqtan bóliný jónindegi referendýmǵa keletin bolsaq, el ishinde mundaı pikir bolǵan soń ony aıqyndap alǵan da jón. Al brıtandyqtardyń kópshiligi bólinýdi qalaıdy deý de qıyn. Ýkraınadaǵy jaǵdaıǵa, Reseıge qarsy áreketterge baılanysty saıasatta Kemeron úkimeti eýropalyq múddege adal.
Oısyraı jeńilgen lıberaldar arasynda abyrjýshylyq bolatyny zańdy. Olardyń kósemi Ed Mılıbend otstavkaǵa ketedi degen de pikir qısyndy. Biraq jeńilisti bir-aq adamǵa aparyp tireý de ádildik bolmas. Qaıta ýaqyt tańdaǵan sol tulǵanyń tóńiregine toptasyp, baǵdarlamalaryn naqtylap, kúresterin shıratqany jón shyǵar.
Konservatorlardyń jeńisi elde belgili dárejede turaqtylyqtyń barlyǵyn ańǵartady. Al osy saılaýdan keıin onyń nátıjesine bildirilip jatqan narazylyq sharalaryna kelsek, ol – qalyptasqan dástúrdiń kórinisi. Ondaılar barlyq jerde de kezdesedi. Álemdik saıasatta aıryqsha orny bar Ulybrıtanııadaı derjavada turaqtylyqtyń bolǵany álemdik ortaq ıgilik.