PAVLODAR. 30 maýsym. Endi oblys ortalyǵyndaǵy №3 jylý elektr ortalyǵynyń qýattylyǵy artady. Bul týraly egemen.kz tilshisi habarlady.
Jańa týrbına qazirgi bar elektr qýatyn 45 MVt-ǵa arttyrýǵa múmkindik beredi. Bul 2011 jyldan beri stansada aýystyrylǵan úshinshi jańa týrbına. Ol jylý elektr ortalyǵynda 1972 jyldan beri jumys istep, ábden tozǵan.
«Jańa týrbına buzylǵan jabdyqtyń ornyna ornatyldy. Sóıtip, jańalanǵan energetıkalyq jabdyqtyń jıyntyq qýaty 525 MVt-tan 255 MVt-ty quraıdy. Bul óńir ekonomıkasynyń damýyna, jańa bıznes – jobalardyń tabysty damýyna, sondaı-aq óńir turǵyndaryn energııamen jabdyqtaýdy jaqsartýǵa yqpal etetin bolady», dep atap ótti energo ortalyqtyń Bas dırektory Oleg Perfılov.
Aldaǵy ýaqytta energetıkter taǵy týrbınany iske qosýdy josparlap otyrǵan kórinedi. Bý býrbınalary men qazandyq agregattaryn qaıta jańartýdyń barlyq jobalary tehnologııalyq úderisti zamanaýı avtomattandyrylǵan basqarý júıeleri talaptaryna saı. Bul energetıkalyq jabdyqtyń paıdaly áser koeffısıentin arttyrýǵa, kómir men mazýttyń shyǵynyn barynsha azaıtýǵa, jáne sáıkesinshe, ekologııalyq kórsetkishterdi jaqsartýǵa múmkindik beredi.
2011-2017 jyldar aralyǵynda 5 týrboagregat jáne 2 qazandyq agregatyn aýystyryp, qaıta jańartý jumystary júrgizilip keledi. Shekti tarıfterdiń memlekettik baǵdarlamasynyń qorytyndysy boıynsha jańa aktıvter qurýǵa, sondaı-aq olardy keńeıtýge, jańalaýǵa, qoldaýǵa, qaıta jańartýǵa jáne tehnıkalyq qaıta jaraqtandyrýǵa arnalǵan ınvestısııalardyń kólemi shamamen 47,3 mlrd teńgeni quraıdy.
Farıda Byqaı.
Derek, sýret: egemen.kz