ASTANA. 16 mamyr. Elimizdegi áleýmettik jelilerde keńinen tarap ketken vıdeorolık kórgen jannyń jaǵasyn ustatty. Onda eki kishkentaı balanyń tóbelesip jatqany túsip qalǵan. Bul týraly today.kz habarlady.
Eń soraqysy, janjalǵa aralasqan eresek er adam balalardyń birin kóterip alyp, jerge alyp urdy. Jerge basymen túsken bala ornyna kóterile almaı qaldy. Al eki jetkinshekti «ajyratqan» er adam oǵan mán bermesten, óz jónine kete bardy.
Osy jaıttan keıin jerde jatqan balany ózge bireýi kelip tepkileı bastady. Osynshalyqty qatigezdikti kóre tura, sol mańnan ótip bara jatqan jaıaý júrginshiler men júrgizýshilerdiń biri de burylyp, oqıǵanyń mán-jaıyn anyqtaýǵa asyqpady. Qazirgi tańda bul jaıt qazaqstandyqtardyń ashý-yzasyn týdyrýda.
Facebook áleýmettik jelisin paıdalanýshylardyń biriniń aıtýynsha, oqıǵa Shyǵys Qazaqstan oblysy Aıagóz qalasynda bolǵan. Vıdeo alǵash jergilikti turǵyndar arasynda taraǵan. Olardyń keıbiri beınedegi er adamnyń Aıagózdegi «Ońtústik» áskerı qalashyǵynda turatynyn jáne kelisimshart boıynsha sol salada qyzmet etetinin aıtýda.
Elaman Qońyr.
Derek, sýret: today.kz.