ASTANA. 4 aqpan. Ortalyq saılaý komıssııasy Qazaqstan Prezıdenti bolýǵa úmitkerlikke ózin-ózi usynýshylardyń alǵashqy leginiń aty-jónin jarııa etti. Bul týraly Tengrinews.kz tilshisi habarlady.
«2 naýryz kúni Ortalyq saılaý komıssııasyna óz kandıdatýrasyn ózin-ózi usyný tártibi boıynsha Asqar Jorabaıuly Syrǵabaev aryz berdi. 3 naýryz kúni taǵy da ózin-ózi usyný tártibimen óz kandıdatýralaryn Safıolla Qalabaıuly Aldajanov, Lımana Qoıshıeva, Baqyt Tólegenuly Ábdikárimov jáne Sýhrab Ámınjanuly Myrzashov usyndy», - delingen OSK taratqan habarlamada.
Komıssııanyń málimetinshe, qazirge deıin bes talapker usynylyp otyr, onyń bireýi - áıel.
«Qazaqstan Respýblıkasyndaǵy saılaý týraly» Konstıtýsııalyq zańnyń 54-baby 2-tarmaǵyna sáıkes, prezıdenttikke úmitkerlerdi sáıkestendirýdi jáne oǵan Konstıtýsııamen jáne Qazaqstan Respýblıkasyndaǵy saılaý týraly» Konstıtýsııalyq zań qoıatyn talaptardy Ortalyq saılaý komıssııasy ózin-ózi usyný týraly aryz berilgen sátten bes kún ishinde bekitedi», - delingen baspasóz paraǵynda.
Eske sala keteıik, 26 aqpan kúni Ortalyq saılaý komıssııasy bekitken kúntizbelik josparǵa sáıkes Qazaqstan Prezıdentiniń kezekten tys saılaýyna úmitkerlerdi usyný bastalǵan bolatyn.
Saılaý 2015 jylǵy 26 sáýirge belgilenip otyr.
Sáken Maılybaı.