AQTО́BE. 31 naýryz. Qazaqstan Musylmandary Dinı basqarmasynyń tóraǵasy, Bas múftı Erjan qajy Malǵajyuly hazirettiń bastamasymen qolǵa alynǵan tórt baǵyttyń bir − oqý-aǵartý jumystary ekeni belgili. Osy baǵytta Aqtóbe oblysynda birqatar aýqymdy jumystar atqarylýda. Bul týraly egemen.kz tilshisi habarlady.
Taıaýda oblystyq ortalyq «Nur-Ǵasyr» meshitiniń uıytqy bolýymen Ábý Hanıfa ǵylymı zertteý ortalyǵynyń qyzmetkerleri Rızabek Ilimbaev, Jaslan Júsipbekov jáne Qaırat Qurmanbaevty shaqyrtyp, ımamdar men medrese shákirtterine úsh kúndik bilimin jetildirý semınaryn uıymdastyryldy. Oǵan qala, aýdan-aýyldardan barlyǵy 21 ımam, 56 shákirt qatysyp, bilimderin jetildirdi.
Sharanyń maqsaty – oblys kólemindegi meshit ımamdarynyń bilimderin jetildirý, qoǵamdaǵy dinı ózekti máselelerdi talqylaý, pikir almasý.
Semınardan tys aqsham namazynan keıin «Nur-Ǵasyr», «Nurdaýlet», Aqtóbe qalalyq ortalyq meshitteri jamaǵatyna Rızabek Ilimbaev pen Jaslan Júsipbekov túrli taqyryptarda ýaǵyz júrgizdi.
Satybaldy Sáýirbaı.
Derek: egemen.kz.
Sýret: muftyat.kz.