Senat Tóraǵasy Qasym-Jomart Toqaev BUU Bas hatshysynyń Arnaýly ýákili, BUU-nyń Ortalyq Azııadaǵy preventıvtik dıplomatııa jónindegi Aımaqtyq ortalyǵynyń basshysy Petko Draganovty qabyldady, dep habarlady Parlament Senatynyń baspasóz qyzmeti.
Ol bolgar dıplomatyn joǵary halyqaralyq laýazymǵa taǵaıyndalýymen quttyqtap, Ortalyq Azııadaǵy mıssııasynyń tabysty bolýyna tilektestigin jetkizdi. Qazaqstan Aımaqtyq ortalyqty qurýdyń bastaýlarynda turǵanyn atap óte kelip, Senat Tóraǵasy osy qurylymnyń qyzmetine parlamenttik ólshemdi engizýdi usyndy.
BUU Bas hatshysynyń Arnaýly ýákili Qazaqstan aımaqtyq turaqtylyqty qamtamasyz etýdiń mańyzdy faktory retinde kórinip kele jatqanyn, Ortalyq Azııadaǵy jaǵdaıǵa oń áser etetinin atap ótti. Ol Qazaqstannyń Dúnıejúzilik saýda uıymyna enýi jónindegi kelissózderdiń aıaqtalǵanyna jyly pikir bildirdi. P.Draganov Aımaqtyq ortalyqtyń basymdyqtary: sý resýrstaryn basqarý, transulttyq qaterlerge qarsy is-qımyl, adam quqyqtaryn qorǵaý jáne qaqtyǵystardy boldyrmaý salasyndaǵy áleýetti nyǵaıtý jaıynda áńgimeledi.