ALMATY. 31 naýryz. Almatydan eshelonǵa tıelgen arnaıy áskerı tehnıka Astanaǵa jetkizildi. Shynjyr tabandy jaýyngerlik tehnıkalar men avtokólikter elimizdiń bas qalasynda Jeńistiń 70 jyldyǵyna arnalǵan sherýge qatystyrylady. Bul týraly BNews.kz habarlady.
Sondaı-aq, tehnıkamen birge kelgen jaýyngerlik quram dalalyq lagerge jaıǵasty. Áskerı bas komendatýranyń komendanty polkovnık Qojabek Tóremanov tehnıkalardy tasymaldaý men ornalastyrýdyń kásibı erekshelikterine toqtalap kelip: «Astanaǵa barlyǵy 400 ásker tehnıka men 1000 jaýynger kelip tústi» dedi.
Is-qımyl barysynda jolaýshylar poıyzynyń júrip-turýyna esh kedergi keltirilmegen. Mundaı iri ásker tobynyń oryn aýystyrý jaýyngerlik jattyǵý sanatyna jatqyzylady.
Negizgi sharaǵa qatysty polkovnık Tóremanov: «Qansha degenmen Astanada úlken mereıtoı ótkeli tur. Sol sebepti de, bul sherýde soǵys kezinde halyq jeńis kúnin tezdetken ataqty «Katıýshalar» men T-34 tankilerini naq ózin de kóretin bolady» dedi. Soǵys jylaryndaǵy áskerı tehnıkalar Semeı qalasyndaǵy arnaıy zaýytta qaıta jóndelip shyqqan.
Keshe tún jamyla Astanaǵa 300-ge jýyq aeroutqyr kúshteriniń jaýyngerleri keldi.
Talǵat Súıinbaı.
Derek, sýret: BNews.kz.