ELBASY ELDIŃ ERTEŃINE DAŃǴYL JOL SALYP BERDI

Ǵasyrlar qoınaýyna úńilsek, qazaq dalasynan talaı-talaı kúımeli kerýender men kelisti kóshter júrip ótken. Halqymyz baıyrǵy turmysynda jazda jaılaýǵa, kúzde keri qystaýyna kóshken. Kóktemdegi kóshi jańarýdyń belgisi bolsa, kúzdegi kóshi yrys-berekemen oralýdyń aıǵaǵy bolǵan. Sondyqtan da halqymyzda kóshke qatysty maqal-mátel de, mysaldar da óte kóp. Júgin jınap júrgen adamǵa: “Kósh kólikti bolsyn!” dep tilek aıtqan. Nemese saparǵa attanǵaly jatqan janǵa: “At-kóligiń aman kelsin”, degen. О́mirdiń ózi kóshýden, bir júıeden ekinshisine aýysýdan turady. Tipti bir qoǵamdyq formasııany ustanǵan eldiń ózi de árkez jańa zamanǵa la­ıyq­talyp otyrmasa, der kezinde reformalar júr­gizbese, asaý ómir aǵymynan qalyp qoıatyny anyq. 1991 jyly 16 jeltoqsan kúni álemge jańa táýelsiz memleket keldi. Ol – Qazaqstan. El de túsine bilgen adamǵa kósh sııaqty. Alyptar men azýlylar ústemdik quryp turǵan qoǵamda ózindik qory joq, burynǵydan qalǵan murasy joq jas memlekettiń jeke ómir súrip ketýi óte qıyn. Sosıalıstik júıeden naryq ekonomıkasyna aýys­qan elimizdiń alǵashqy jyldardaǵy qadamy taýǵa qar­sy júrgen kósh sekildi kórinedi. Osy jolda kez­desken qıyndyqtarda esep joq. Degenmen, biligi men ómirlik tájirıbesi mol adam kóshti bastasa, kúımeli kerýenniń birde-bireýi shashaý shyqpaı, jarǵa soqtyqpaı, shyńyraý quzǵa qulamaı, alys ta bolsa jaqyn joldarmen júre bilse, kózdegen maqsatqa je­te­tini daýsyz! Mine, Qazaqstan Res­pýblıkasynyń Tuń­ǵysh Prezıdenti Nursultan Na­zarbaev bas­taǵan bizdiń kóshimiz ótpeli kez­eń­derdiń ózekteı jińishke, soqtyqpaly da soqpaqty joldarynan aman ótip, búgingi kúnge jetti! Elbasy Nursultan Nazarbaev bastaǵan bizdiń memleketimiz alǵashqy kúnnen bastap elimizge dos izdedi. Kóptegen memlekettermen yntymaqtastyq baılanysymyzdy ornatyp, syrtqy saıasattaǵy ustanǵan dostyq pikirimizdi jetkizdik. Sonyń arqasynda Qazaqstan álemdik qoǵamdastyqta bedeldi memlekettiń birine aınaldy. Eýrazııa aýmaǵynda ózindik pikiri bar memleket bolýy, ústimizdegi jyly Qazaqstannyń EQYU-ǵa tóraǵalyq etýi, álemdi tolǵandyryp otyrǵan mańyzdy máselelerdi qaraý úshin EQYU Sammıtin ótkizý týraly usynysynyń qol­daý tabýy   elimizdiń asqaq abyroıyn tanytty. Týǵan halqy “Eli sengen Elbasy”, dep Prezıdenttiń árbir bas­ta­masyn qýana qarsy alyp, qoldaý bildiredi. Sondyqtan da hal­qy­myz dá­ýir­lerge jol tart­qan dańǵyl jolda Qa­zaqstan atty uly kó­shimizdiń tizginin ke­meńger saıa­sat­ker, ja­ńasha oı­laı bi­letin kóshbasshy, ár­qashan naqty iske ba­ǵyt­talǵan qadam ­re­formator Nur­sultan Nazarbaevqa senip tapsyrdy. Elbasy alǵashqy kúnnen bastap Qazaq­stan­nyń bar­lyq óńirin aralap, halyqpen júz­desýdi óziniń aza­mattyq bir paryzy dep sanaıdy. Halyq aldynda qalaı sóıleý kerektigin, su­raqtarǵa júıeli de naqty jaýap berip, tur­ǵyn­dardyń senimin ny­ǵaıtyp, minbege shyq­qanda ózin-ózi ustaı bilýin kóp adam Pre­zıdentimizden úırenip júr desek, artyq bolmas. Jyly shyraıly júz­desýlerde Nursultan Ábishuly qarııa­lardyń alǵysyna bólense, jastardyń boıyna pa­trıot­tyq sezimdi uıalatyp júrgenine únemi kýá bolamyz. Elbasymen ótken kezdesýlerdegi alǵan áserim jaıly, umytylmas oqıǵalar týraly oı bólisýdi jón kórip otyrmyn. Men Qostanaı oblysynda uzaq jyl eńbek ettim. О́zimniń eńbek jolymda N.Á.Nazarbaevtyń úlken ról atqaratynyn maq­ta­ny­sh­pen aıtamyn. Jıyrma jyl Qostanaı ob­lystyq atqarý komıteti tóraǵasynyń oryn­ba­sary, oblystyq partııa komıtetiniń hatshysy, oblys ákiminiń orynbasary qyzmetterin atqaryp, áleýmettik salaǵa jatatyn bilim berý, densaýlyq saqtaý, mádenıet jáne sport máselelerimen tikeleı aınalystym. Basshylyq qyzmetke taǵaıyndalý ortalyq organdardyń kelisimimen júzege asatyny anyq. Osy oraıda Nursultan Nazarbaev árkez meniń kandı­datýramdy qoldap otyrdy. Men úshin Qazaqstan Kompartııasy Ortalyq Ko­mıtetiniń Bıýro otyrysynda ıdeologııalyq má­se­leler boıynsha alǵash ret esep bergenim – eshqashan umytylmaıtyn oqıǵa. Otyrysty Qa­zaq­stan Kompartııasy Ortalyq Komıtetiniń birinshi hat­shysy N.Á.Nazarbaev júrgizip otyrdy. Ob­lystaǵy áleýmettik máselelerdi zerdelep alǵan edim. Jaqsy daıyndalǵanmyn. Bir óńirdiń damýyna tikeleı baılanysty bolǵandyqtan, ózime júktelgen úlken jaýapkershilikti de naqty sezinip turmyn. Degenmen, oıymdy túgel jetkize alamyn ba degen ishki qobaljý sezimim de júregime maza berer emes. Nursultan Ábishuly meniń esep berer aldynda tolqyp turǵanymdy birden ańǵaryp: “Baǵıla, qysylmaı aıta ber. Oblysta qandaı jumystar isteldi? Bıýroǵa aıtatyn máseleleriń bar ma?” dep emin-erkin suraq qoıdy. Menen esep alýshy emes, birqalypty suraq-jaýap arqyly ózimen pikir almasýǵa shaqyrǵan adamdaı kórindi. Sol sátte ishki tolqynysym basylyp, Qostanaı óńiriniń tynys-tirshiligi jóninde qysqasha baıandap berdim. Sheshimin tappaı turǵan máselege kelgende, elimizge altyn astyqty berip otyrǵan úlken aı­maq­ta oblystyq teledıdardyń joq ekenin málim ettim. Onyń barlyq zamanaýı qural-jabdyqtaryn sa­typ alýǵa qarajattyń bolmaı turǵanyn jetkizdim. Nursultan Ábishuly otyrysty qorytyn­dylaǵan kezde: “Másele durys kóterilip otyr. Úlken ob­lysta televızııa bolýy kerek”, dedi. Jáne de sol kezd­egi elimizdiń Memlekettik teleradıo komıtetiniń tóraǵa­sy, synshy-jazýshy Saǵat Áshimbaevqa birden naqty tapsyrma berip, kómek kórsetýi kerek ekenin aıtty. Osy oqıǵadan keıin arada aı da ótpesten Saǵat aǵamyz Qostanaı oblysyna arnaıy keldi. Ob­lys­tyq telekompanııa ornalasýǵa laıyqty ǵımaratty kórdi, sodan keıin telestýdııaǵa qajetti jabdyq­tar­men kómektesti. Mine, Nursultan Ábishulynyń tikeleı qoldaýymen Qostanaı oblystyq telekom­panııasynyń irgesi osylaı qalanǵan bolatyn. Halyqtyń Elbasymyzdy qalaı qurmet­teıtinin men jaqsy bilemin. Nursultan Ábishuly oblysqa saparmen kelgende, zaýyttar men fabrıkalarda, oqý or­yndarynda, teatr men aýrýhanalarda qos­ta­naı­lyq­tar ony aıryqsha jyly shyraımen qarsy alady. Elbasymyzdyń jáne bir qasıeti – sheshendigi. Ol qaǵazǵa qarap sóılemeıdi. Jańa kózqarastary men usynystaryn aıtyp, ara­syn­da ótkir ázilderdi keltirip, kez kelgen aýdı­to­rııa­ny ózine baǵyndyryp alady. Bul Pre­zıdenttiń oılaý qabiletiniń joǵarylyǵyn jáne eldiń barlyq jaǵdaıyn óte jetik biletinin kórsetedi. N.Á.Nazarbaev eńbeksúıgishtigimen de erek­shelenedi. Máselen, bir kúnde birneshe sheteldik qonaqtardy jáne sala basshylary men elimizdiń aza­mattaryn qabyldaıdy, mańyzdy qurylys ny­san­da­ryn aralap kóredi, turǵyndarmen kezdesýler ótkizedi. Búginde bizder – el Parlamenti Májilisiniń depýtattary shetelge shyqqanda nemese elimizge meımandar kelgende, suhbattasamyz. Shetel­dik­ter­diń Qazaqstanǵa degen qyzyǵýshylyǵynyń arta tús­kenin kóremiz. Ásirese, bizdiń elde bolǵan jáne Pre­zıdentimizdiń ustanǵan baǵdaryn biletin shetel­diń tanymal saıasatkerleri, kásipkerleri, qoǵam qaıratkerleri, óner adamdary, qarapaıym azamat­tary Qazaqstannyń búgingi jetistigi men aldaǵy josparlary jaıly surap biledi. Ondaı tileýles adam­dar Elbasymyzdy kóregen reformator, stra­tegııalyq jáne jedel sheshim qabyldaıtyn tulǵa dep baǵalaıdy. Qazaqstan Prezıdenti Nursultan Nazar­baev­tyń “Jańa onjyldyq – jańa ekonomıkalyq órleý – Qazaqstannyń jańa múmkindikteri” atty bıylǵy Qazaqstan halqyna arnaǵan Joldaýynda kótergen jańa bastamasynyń biri – “Balapan” baǵdar­la­masy. Baldyrǵandardy balabaqshamen qamtý má­selesi ózekti bolyp turǵany anyq. Elbasy osy máseleni sheshýdiń naqty jolyn kórsetti. Qazaqstannyń EQYU-ǵa tóraǵalyq etýi elimizdiń halyqaralyq bedelin ósirdi. Nursultan Ábishuly halyqaralyq qarym-qatynastyń odan ári damýyna basa kóńil bólip keledi. Shetelge shyqqan resmı saparlarynda kóptegen kelisimderge qol qoıady. Onyń ishinde basym bóligi sheteldik ınvestısııany ózimizge tartýǵa baǵyttalǵan. Shetel ınvestorlarynyń durys jumys isteýine barlyq jaǵdaı jasalǵan, zańdyq negiz qalyptasqan. Al ınvestısııa elimizdiń ekonomıkasyna serpin be­retini anyq. Búgingi tańda Qytaı, Birikken Arab Ámirlikteri, Ońtústik Koreıa, Fransııa, Italııa jáne basqa memleketterden elimizge ınvestısııa tartý týraly máseleler sheshimin tapty. Júrgizilgen reformalar óz nátıjesin berdi, Elbasy Qazaqstannyń qarqyndy damýyna dańǵyl jol salyp berdi. Turǵyndardyń ómir súrý deńgeıiniń artýy, beıbitshilik pen ynty­maq­tyń ornyǵýy elimizdiń árbir azamatynyń er­teńgi kúnge degen senimin nyǵaıtty. Pre­zı­denttiń barlyq ıgi istiń júzege asýy men bas­ta­malarynda shynaıy negiz jatyr. Munyń baǵasyn Ýaqyt pen halyq berip otyr. Qazaqstannyń búgingi tabystarynyń jemisin keler urpaq kóredi degen senimim mol. Baǵıla BAIMAǴAMBETOVA,  Parlament Májilisiniń depýtaty.