ASTANA. 1 sáýir. Máskeýdiń Presnıa soty jazalardy oryndaý federaldy qyzmetiniń burynǵy basshysy Aleksandr Reımerdi «elektrondy bilezik» satyp alý kezindegi alaıaqtyǵy úshin qamaýǵa aldy. Bul týraly TASS habarlady.
Sottyń málimetinshe, quqyq qorǵaý salasynyń sheneýnigi atalǵan alaıaqtyǵy arqyly memleketke 2,7 mlrd. rýbldiń zalalyn keltirgen.
Aıyptalýshy densaýlyǵy jaǵdaıy týraly egjeı-tegjeıli málimettiń tarap ketpeýi týraly qorǵaý jaǵynyń ótinishi boıynsha is jabyq otyrys jaǵdaıynda qaraldy. Reımer óziniń kinásin moıyndamaıtynyn málimdedi.
Sot qaýlysynan tergeý merzimi 28 tamyzǵa deıin uzartylǵany belgili boldy. Al tergeýshi Reımerge jasyrynyp qalý nemese óziniń qyzmettik daǵdylary men tamyr-tanystyqtaryn paıdalanyp, aıǵaqtar jınaýǵa kedergi keltirý nıetinde degen kúdik bildirdi.
Sonymen bir mezgilde Reımerdiń qorǵaýshylary onyń aýyr naýqas ekenin jáne tergeý pozısııasynyń negizsiz ekenin kórsetetin qosymsha dálelder jınaý úshin otyrysty 72 saǵatqa kesheýildetýdi qadalyp surady.
Reımer 31 mamyrǵa deıin qulyp astynda bolady. Budan buryn tutqyndalǵan jaǵdaıda onyń «Lefortovo» tergeý oqshaýlaǵyshynda otyratyny aıtylǵan edi. Qorǵaýshylar ózderi qorǵaýyndaǵy aıyptalýshyny qamaýǵa alý jónindegi sheshimge kelispeýshiligin qalalyq sottyń apellıasııasyna bildire alady.
Munyń aldynda osy istiń basqa fıgýranty – kásipker Nıkolaı Martynov 30 mamyrǵa deıin qamaýǵa alynǵan edi.
Murat Aıtqoja.