Elbasy Nursultan Nazarbaev Qazaqstan Kúres federasııasynyń qurmetti prezıdenti, Birikken kúres áleminiń bıýro múshesi Dáýlet Turlyhanovty qabyldady, dep habarlady Prezıdenttiń baspasóz qyzmeti.
Kezdesý barysynda elde buqaralyq sportty damytý, sonyń ishinde jas urpaqty sportqa baýlý máseleleri talqylandy.
Qazaqstan Prezıdenti jastar arasynda salamatty ómir saltyn nasıhattaýdyń, sondaı-aq, joǵary jetistikter sportyn damytýmen qatar, halyqtyń deneshynyqtyrýmen jáne sportpen belsene aınalysýy úshin qajetti barlyq jaǵdaıdy jasaýdyń mańyzdylyǵyna toqtaldy.
D.Turlyhanov otandyq sportqa Memleket basshysynyń kórsetip otyrǵan qoldaýy nátıjesinde iri qalalarda ǵana emes, shalǵaı óńirlerde de qajetti ınfraqurylymdar salynyp jatqanyn aıta kelip, sol úshin alǵysyn jetkizdi. Bul jaǵdaı qajetti irgetas qalaýǵa múmkindik berip, sonyń negizinde Qazaqstan sportshylary óńirlik jáne halyqaralyq jarystarda joǵary nátıjelerge qol jetkizip otyrǵanyn atap ótti.
Sýretti túsirgender
S.BONDARENKO, B.OTARBAEV.