Arnaıy ýákildiń Lıtvaǵa sapary

3-4 naýryzda Qazaqstan Res­pýb­lıkasy Prezıdentiniń Arnaıy ýákili, Parlament Sena­ty Halyqaralyq qatynastar, qor­ǵanys jáne qaýipsizdik komıtetiniń tóraǵasy Ikram Adyrbekov Lıt­vada boldy jáne 2017-2018 jyldarda BUU Qaýipsizdik Keńesiniń turaqty emes múshesi laýazymyna Qazaqstandy ilgeriletý jónindegi bizdiń elimizdiń ótinishi aıasynda Lıtvanyń Syrtqy ister mınıstri Lınas Lınkıavıchıýspen, Seım tóraǵasynyń birinshi orynbasary Vıdas Gedvılaspen, Úkimet kansleri Almınas Machıýlıspen jáne Kólik jáne kommýnıkasııa­lar mınıstri Rımantas Sın­kıavıchıýspen kezdesti. Syrtqy saıasat vedomstvosy basshysymen kezdesý barysyn­da I.Adyrbekov Qazaqstan Pre­zıdenti N.Á.Nazarbaevtyń 2017-2018 jyldarda BUU Qaýipsizdik Keńesiniń turaqty emes múshesi bolý jónindegi Qazaqstannyń ótinishin qoldaý boıynsha Lıtva Respýblıkasynyń Prezıdenti D.Grıbaýskaıtege arnalǵan joldaýyn tabys etti. Júzdesýde saıası jáne ekono­mı­kalyq salalardaǵy ekijaqty qatynastar damýynyń keleshegi de talqylandy. Saýda jáne ınves­tı­sııalyq yntymaqtastyqty tereń­detý barysynda eki eldiń áleýetin eskerý qajettigi atap ótildi. I.Adyrbekov Vıdas Ged­vı­laspen kezdesýinde eki el ara­syndaǵy ózara qatynastardy, onyń ishinde parlamentaralyq baılanystardy ulǵaıtý máseleleri týraly pikir almasty, dep habarlady Parlament Senatynyń baspasóz qyzmeti.