Zań jobalary maǵynaly bolǵanda utymdy

Keshe Parlament Májilisiniń Tóraǵasy Qabıbolla Jaqypovtyń tóraǵalyǵymen jalpy otyrys ótip, onda birneshe jańa zań jobasy qaralyp, tutastaı maquldandy. Kún tártibine sáıkes Májilis aldymen Marat Sársembaev pen Vladımır Foosty Ortalyq saılaý komıssııasynyń múshesi qyzmetine taǵaıyndady. «Saılaý týraly» Zańǵa sáıkes, Ortalyq saılaý komıssııasynyń eki múshesin Májilis taǵaıyndaıdy. Osy másele boıynsha baıandama jasaǵan Zańnama jáne sot-quqyqtyq reforma komıtetiniń tóraǵasy Rahmet Muqashev eki úmitkerdiń ómirbaıany men eńbek joly týraly aıtyp berdi. Úlken eńbek jolynan ótken ekeýi de qazir Ortalyq saılaý komıssııasynda jumys isteıdi. Depýtattar ekeýiniń de kandıdatýralaryna qarsylyq bildirmeı, olardy OSK múshesi qyzmetine biraýyzdan taǵaıyndady. Sondaı-aq, jalpy otyrys­ta «Bilim berý salasyndaǵy kemsitýshilikke qarsy kúres týraly konvensııa týraly» zań jobasymen jumysty jalǵastyrý qoldaý taýyp, Qazaqstan Res­pýb­lıkasy men Belarýs Respýb­lıkasy úkimetteriniń arasyn­daǵy readmıssııa týraly, Qazaq­stan Respýblıkasy Úkimeti men Vet­nam Sosıalıstik Respýblı­kasynyń Úkimeti arasyndaǵy Ta­bysqa salynatyn salyqtarǵa qatysty qosarlanǵan salyq salýdy boldyrmaý jáne salyq salý­dan jaltarýǵa jol bermeý týra­ly kelisimderdi ratıfıkasııalaý týraly zań jobalary talqy­lanyp, maquldandy. Qazaqstan Respýblıkasy men Majarstan arasyndaǵy ustap berý týraly shartty ratıfıkasııalaý týraly zań jobasy týraly Bas prokýrordyń birinshi orynbasary Iogan Merkel baıandap, bul zań jobasy da eshqandaı kedergisiz maquldanýǵa tıisti edi. Alaıda, osy jerde depýtat Omarhan О́ksikbaev oryndy suraq qoıyp, baıandaýshyny da, basqalardy da birshama tosyldyryp tastady. Másele zań jobasynyń qazaq tilindegi ataýynyń orys ti­lindegi túpnusqadan dál aýda­ryl­maǵandyǵynan týyndaǵan edi. Orys tilindegi «O ratıfıkasıı Dogovora mejdý Respýblıkoı Kazahstan ı Vengrıeı o vydache» degen taqyryp qazaqshaǵa «Qazaqstan Respýblıkasy men Ma­jarstan arasyndaǵy ustap berý týraly shartty ratıfıkasııalaý» bolyp aýdarylǵan. Demek, orys tilindegi maǵy­na­syna qaraǵanda ustalǵan qazaq­stan­dyq qylmyskerlerdi berý de­gendi bildiretin zań jobasy qa­zaqshasynda Majarstan tarapyna «ustap ber» dep, ıaǵnı jumys júkteıtin maǵynaǵa aýysyp ketken. Depýtat osy sáıkessizdikke óte durys nazar aýdardy. Árıne, aýdarmamen aınalysqandar «o vydache» degen sózdi tek «berý týraly» dep aýdarsa eshqandaı kól­deneń pikir týmas edi, alaı­da, olar zań jobasynyń maǵy­nasyn ashý úshin osyndaı qa­damǵa barǵany kórinip turdy. Sol jerde otyrǵan aýdarma ja­sa­ǵan­dardyń ókili de osyny aıtty jáne ol «vydacha» degen sózdiń «ustap berý» dep aýdarylatyny sózdikte bekitilgenin jetkizdi. Bi­raq osy jerde zań jobasy «...us­tap berý týraly shartty...» emes «ustalǵandardy berý týra­ly shartty...» dep aýdarylsa ma­ǵynasy da ashylyp, suraq ta týdyr­mas edi dep oıladyq. Jal­­py, zań jobalaryn oryssha daı­yn­da­ǵan­dar da «o vydache» dep tym qys­­qa qaıyrmaı, maǵynasyn ha­­lyqqa túsiniktirek etkeni jón edi. Odan keıingi «Qazaqstan men Majarstan arasyndaǵy sot­tal­ǵan adamdardy berý týraly shartty ratıfıkasııalaý týraly» zań jobasy maǵynasy da, aýdarmasy da túsinikti bolǵandyqtan, eshqandaı suraq týdyrmaı, tolyǵymen maquldandy. Sóıtip, kún tártibindegi máseleler tolyq qaralyp, depýtattar ózderiniń saýaldaryn jarııalaýǵa kóshti. Jaqsybaı SAMRAT, «Egemen Qazaqstan».