ALMATY. 1 shilde. Fınlıandııada 63 jasynda qysqa mátindik habarlar (SMS) tehnologııasyn oılap tabýshy Mattı Makkonen qaıtys boldy. Bul týraly VVS habarlady.
Tarıhta eń alǵashqy SMS-habar 1992 jyly 3 jeltoqsan kúni jiberildi. Alaıda, Makkonen bul tehnologııany sol kezeńnen 8 jyl buryn oılap tapqan edi. Injener buqaralyq aqparat quraldaryna óte sırek suhbat bergen ónertapqysh. 2012 jyly bir jýrnalıstiń saýalyna SMS arqyly jaýap qaıtarǵany da qyzyq. Odan da qyzyǵy – ınjener Mattı Makkonen bul oılap tapqan jańalyǵynan tabys tabýy bylaı tursyn, «SMS-tiń atasy» retinde avtorlyq patent te almaǵan. Ol ómiriniń sońyna deıin: «Bul – bar bolǵany mobıldi baılanys jelisiniń qarapaıym ǵana múmkindigi» deýden basy artyq sóz aıtpaǵan.
Talǵat Súıinbaı.
Derek:VVS.
Sýret:Reuters.