Buǵan deıin jumys istep kelgen Memlekettik tildi oqytý ortalyǵy lıngvıstıkalyq til akademııasyna aınaldyryldy.
Onyń dırektory Janat Muhamedjanovtyń aıtýyna qaraǵanda, akademııa qyzmeti «Úsh tuǵyrly til» mádenı jobasy aıasynda uıymdastyrylyp, «Til týraly» Zań talaptaryn júzege asyrýǵa baǵyttalady.
– Memleket tildi meńgerýge tilek bildirgen eki myńǵa jýyq tyńdaýshyǵa dáris tegin júrgiziledi. Ol úshin tender arqyly 32 mıllıon teńge qarajatqa ıe bolyp otyrmyz, – deıdi «Qyzyljar» qosymsha bilim berý jáne qyzmet kórsetý ortalyǵy» JShS-niń jetekshisi J. Muhamedjanov.
Akademııada «Alaqaı» atty balalar til úırený úıirmesi jumys isteıdi.Onda 5-6 jastaǵy baldyrǵandar men 1-4-synyp oqýshylary sabaqtan tys ýaqyttarda óz bilimderin jetildire alady. Eń basty jańalyq sol, jurtshylyqtyń suranymdary eskerilip, aǵylshyn, nemis, túrik tilderin úıretý kýrstary da qurylyp otyr. Sabaq berýge joǵary oqý oryndary men mektepterden 40-qa tarta bilikti mamandar tartylǵan.
Bolashaqta AQSh, Kanada, Túrkııa, Fransııa, Anglııa sekildi memleketterge barý, tájirıbe almasý joldary da qarastyrylǵan.
О́mir ESQALI,
«Egemen Qazaqstan».
Soltústik Qazaqstan oblysy.