Keshe Qazaqstan Kommýnıstik halyq partııasynyń kezekten tys sezi ótip, onda 26 sáýirde ótetin prezıdenttik saılaýǵa partııa atynan kandıdat usynyldy.
Sonymen, Qazaqstannyń Kommýnıstik halyq partııasy atynan kezekten tys prezıdenttik saılaýǵa Turǵyn Syzdyqov túsetin boldy. Sezd barysynda kandıdatty usynǵan Parlament Májilisindegi QKHP fraksııasynyń jetekshisi Vladıslav Kosarev kandıdattyń eńbek jolyna qysqasha toqtalyp ótti.
Al prezıdenttikke kandıdat T.Syzdyqov óz sózinde partııanyń senimin aqtaýǵa barynsha tyrysatyndyǵyn aıtty. «Búgin maǵan úlken mindet, zor jaýapkershilik júktedińizder. Aldaǵy ýaqytta sizdermen birlesip, sol mindetterdi abyroımen atqaramyz ǵoı dep oılaımyn. Jalpy, Kommýnıstik partııa baǵdarlamasyn damytýǵa, maqsattaryn odan ári júzege asyrýǵa zor múmkindigimiz bar dep senemin», – dedi kandıdat.
«Egemen-aqparat».