Taıaýda Shyǵys Qazaqstan oblysynyń ákimi Berdibek Saparbaevtyń sheshimimen birqatar aýdandar men qalalardyń ákimderi aýystyryldy. Oblys ákiminiń orynbasary E.Salımov Zyrıan qalasynyń ákimi qyzmetine taǵaıyndaldy. О́nerkásip pen qurylys salasyn jetik biletin isker, jas basshy ónerkásibi órkendegen Zyrıanda da jaqsy isterimen kózge túsedi degen úmittemiz.
Al Katonqaraǵaı aýdanynyń úsh jyl úsh aı jemisti basqaryp,óńirde kóp ister tyndyrǵan, aýdandy reıtıngtik kórsetkishte birinshi orynǵa shyǵarǵan, ótken jyly “Qurmet” ordenimen marapattalǵan tyndyrymdy da bilikti jas basshy Serik Zaınýldın ózi týyp-ósken Zaısan aýdanynyń ákimi qyzmetine kirisip ketti. Al munyń aldynda prınsıpti, bastaǵan isin aıaqtamaıynsha tynym tappaıtyn taǵy bir isker azamat, osy aýdandy úsh jyl basqarǵan Ánýarbek Muhtarhanov halqy 70 myńnan asatyn Aıagóz aýdanynyń tizginin ustady. Katonqaraǵaı aýdanynyń ákimi bolyp Arman Bekbosynov, Ulan aýdanynyń basshysy bolyp Jomart Muratov taǵaıyndaldy.
Oblys ákiminiń orynbasary oryntaǵyna Ermek Kósherbaev otyrdy.
Ońdasyn ELÝBAI, О́SKEMEN.