ASTANA. 1 shilde. Qyzylorda oblysy Aral aýdandyq prokýratýrasy bir jasqa tolmaǵan balalarǵa tólenetin járdemaqynyń tólený zańdylyǵyna júrgizilgen tekserý barysynda qylmystyq quqyq buzýshylyq deregi anyqtaldy. Bul týraly oblystyq prokýratýranyń baspasóz qyzmeti habarlady.
Naqty aıtsaq, Eshnazarova 2010 jyldyń 8 qazanynda dúnıege kelip, sol jyldyń 12 qazanynda qaıtys bolǵan nemeresine bir jyl kóleminde járdemaqyny zańsyz alyp, memleketke 117 129 teńge shyǵyn keltirgen.
Memleket qarjysyn zańsyz ıemdený deregi boıynsha Eshnazarovaǵa qatysty aýdandyq prokýratýra 2015 jyly 30 sáýirde Qazaqstan Respýblıkasy Qylmystyq kodeksiniń 190-baby 1-bóligimen SDTBT-ne tirkelip, tıisti prosessýaldyq sheshim qabyldaý úshin tergelý rettiligimen aýdandyq ishki ister bólimine joldandy.
Sotqa deıingi tergep-tekserý barysynda Eshnazarovanyń memleketke kelgen shyǵyndy tolyǵymen qaıtarýyna baılanysty oǵan qatysty qylmystyq is QR QPK-niń 35-baby 1-bóliginiń 12-tarmaǵyna sáıkes (aqtalmaıtyn negizde) óndiristen toqtatylǵan.
Sonymen qatar, aýdandyq sottyń 28 mamyr 2015 jylǵy úkimimen Eshnazarova azamattyq isti sotta qaraý barysynda nemeresiniń 1 jyldan keıin qaıtys boldy dep kórineý jalǵan aıǵaq bergeni úshin Qazaqstan Respýblıkasy Qylmystyq kodeksiniń 420-baby 1-bóligimen 3 jyl bas bostandyǵynan shekteý jazasyna sottaldy.
Elaman Qońyr.
Derek: Qyzylorda oblystyq prokýratýranyń baspasóz qyzmeti.
Sýret: egemen.kz.