AQTAÝ. 1 shilde. Mańǵystaý oblysy, Jańaózen qalasynda er adam boıjetkendi kópshilik aldynda aıaýsyz soqqyǵa jyqqan. Bul týraly nur.kz saıtyna silteme jasaǵan egemen.kz tilshisi habarlady.
Oqys oqıǵa Jańaózendegi orta mektepterdiń birine jaqyn jerde oryn alǵan. Boıjetkendi kópshilikten esh qymsynbaı, tapa-tal túste soqqynyń astyna alǵan jigit qyzdyń jerge qulap túskenine qaramastan, ony urýyn toqtatpaǵan.
Kýáger áıelder arasha túsýge qorqyp, birden polısııaǵa habar bergen. Oqıǵa ornyna jetken polıseıler ol jerden es-tússiz qan-josa bolyp jatqan boıjetkendi tapqan, soqqy nátıjesinde qyz jabyq bas súıek-mı jaraqaty, mıdyń shaıqalýy jáne ózge de dene jaraqattarymen aýrýhanaǵa tústi. Kúdikti 27 jastaǵy turaqty jumysy joq Jańaózen turǵynyn polıseıler qamaýǵa aldy. О́z kinásin moıyndaǵan ol boıjetkendi buzaqylyqpen soqqyǵa jyqqanyn aıtqan.
Gúlaıym Shyntemirqyzy.
Derek: egemen.kz.
Sýret: turkystan.kz.