ATYRAÝ. 5 naýryz. Atyraý oblysy ákiminiń orynbasary Sálimjan Naqpaevtyń tóraǵalyǵymen ótkizilgen májiliste kóktemgi sý tasqynyna daıyndyq máselesi pysyqtalyp, 185,7 shaqyrym qorǵanys bógetiniń qýatyn kúsheıtý qajettigi aıtyldy. Bul týraly egemen.kz tilshisi habarlady.
Atyraý oblystyq tótenshe jaǵdaılar departamenti basshysynyń mindetin atqarýshy Marat Qurmanovtyń málim etýinshe, 1967-1994 jyldary aralyǵynda 500 shaqyrymnan asatyn qorǵanys bógetteri salynǵan. Alaıda, Isataı aýdanynda 1,7 shaqyrym bóget salýdyń qajettigi týyndap otyr. Sonymen birge, 185,7 shaqyrym bógettiń tehnıkalyq ahýaly kóńilden shyqpaıdy. Qorǵanys bógetterin memlekettik komıssııamen qabyldaý, tipti tıisti qujattaryn jasaqtaý jumystary Atyraý qalasy, Qurmanǵazy, Isataı, Qyzylqoǵa jáne Jylyoı aýdandarynda atqarylmaǵan.
«Kóktemgi sý tasqynyna daıyndyq jumystary barysynda 12 tonna janar-jaǵar maı, 200 tonna qum, 187 myńnan astam qapshyq daıyndalǵan. Sondaı-aq, tótenshe jaǵdaı týyndaǵanda ár túrli qurylymdardan 109 adam, 31 tehnıka, 35 júzý quraly jáne «Eýrokopter» tikushaǵy kómek berýge ázir», dep málim etti Atyraý oblystyq tótenshe jaǵdaılar departamenti basshysynyń mindetin atqarýshy Marat Qurmanov.
Joldasbek Shópeǵul.
Derek: egemen.kz.
Sýret: Rahym Qoılybaev.