BOSQYNDAR MÁSELESI SО́Z BOLDY

Qazaqstan Respýblıkasynyń Syrtqy ister mınıstrligi men BUU-nyń Bosqyndar isteri jónindegi Joǵarǵy komıssary basqarmasynyń delegasııasy birlesken kommıýnıke qabyldady. Jaqynda Astanada BUU-nyń Bosqyndar isteri jónindegi Jo­ǵar­ǵy komıssary basqarmasynyń (BJKB) delegasııasy jumys ba­byndaǵy saparmen boldy. Dele­ga­sııany BJKB-niń halyqaralyq qorǵaý bóliminiń dırektory Vol­ker Terk bastap keldi. Sapar ba­ry­synda óńirdegi sońǵy oqıǵa­lar­ǵa baıla­nys­ty yntymaqtastyqtyń perspek­tıvalary talqylandy. Son­daı-aq Syrtqy ister, Ádilet, Ishki ister, Eńbek jáne halyqty áleýmettik qorǵaý mınıstrlikteri men Bas prokýratýrada kezdesýler ótti. Taraptar bosqyndarǵa kómek jáne qoldaý kórsetý boıynsha   eki­jaqty jáne óńirlik ynty­maq­tastyq máselelerin talqylap, olar­dy halyqaralyq jáne  mem­lekettik turǵydan qoldaý jaıyn sóz etti. Sonymen qatar, Ortalyq Azııa óńirindegi aralas mıgrasııa men azamattyǵy joq adamdardyń jaǵdaıy jóninde pikir almasty. BUU BJKB Qazaqstan Respýb­lı­kasynyń “Bosqyndar týraly” Zań qabyldaǵanyna rızashylyq bildirdi. Sonymen birge, bos­qyn­dardy tirkeý, olarǵa bılik tara­py­nan tıisti mártebe berý sekildi kó­keıkesti máseleler talqylandy. Eki jaq osy jáne basqa da máse­le­ler boıynsha tyǵyz ózara is-qı­myldy jalǵastyrýǵa ýaǵdalasty. BJKB delegasııasy Qazaqstan­dy EQYU-daǵy tabysty tóraǵa­lyǵymen quttyqtap, Qazaqstan Res­pýblıkasynyń Úkimetine ash­yq­tyǵy jáne jan-jaqty ynty­maqtastyqqa ázirligi úshin rızashy­lyǵyn bildirdi. “Egemen-aqparat”.