ORAL. 1 shilde. Batys Qazaqstan oblysy, Zelenov aýdany, Asan aýylyndaǵy at sporty túrleri boıynsha oblystyq balalar-jasóspirimder sport mektebi bazasynda kókpar, aýdaryspaq, teńge ilý jáne jamby atýdan jastar arasynda el chempıonaty márege jetti. Bul týraly «QazAqparatqa» silteme jasaǵan egemen.kz tilshisi habarlady.
Kókpardyń fınalynda qyzylordalyqtardan basym túsken ońtústikqazaqstandyqtar jeńimpaz atandy. Úshinshi oryndy batysqazaqstandyqtardy 5:2 esebimen utqan Jambyl oblysynyń komandasy ıelendi. Aýdaryspaqtan óz salmaq dárejelerinde ońtústikqazaqstandyq Elaman Pernebek (50 kg.), qyzylordalyq Berdibek Jorabek (60 kg.), aqtóbelik Shyńǵyshan Erjanov (70 kg.), ońtústikqazaqstandyq Esimhan Rahmatýlla (80 kg.), aqtóbelik Saıat Satym (+80 kg.) jeńis tuǵyryna kóterildi. Teńge ilýden aqtóbelik Álıhan Báshenbaı úzdik shyqsa, jamby atýdan ońtústikqazaqstandyq Eralhan Aıkóz aldyna jan salǵan joq.
Jarystyń jabylý rásiminde oblys ákimi Nurlan Noǵaev ata-babamyzdan beri úzilmeı jalǵasyp kele jatqan ulttyq sport túrlerin odan ári damytýdyń qajettigin atap kórsetip, barlyq komandalarǵa alǵysyn aıtty. Ulttyq sport túrlerinen Qazaqstannyń memlekettik jattyqtyrýshysy Ramazan Sáttibaev jarysty ótkizýge belsene atsalysqan azamattarǵa ulttyq sport túrleri federasııasynyń alǵyshattaryn tabys etti. Onyń sózine qaraǵanda, jarys qorytyndysyna sáıkes ulttyq qurama jasaqtalatyn bolady.
Temir Qusaıyn.
Derek, sýret: «QazAqparat».