Qaraǵandydaǵy shet memleketterdiń, halyqaralyq uıymdardyń baıqaýshylaryna, buqaralyq aqparat quraldarynyń ókilderine járdemdesý ortalyǵynda «Biz ashyq, móldir, ádil saılaý úshin» atty taqyrypta brıfıng ótti.
Jergilikti jýrnalıstermen júzdesýde Qazaqstan Respýblıkasynda Saılaýdy baıqaý jónindegi respýblıkalyq qoǵamdyq komıssııa fılıalynyń tóraıymy N.Vshıvseva komıssııanyń óńirdegi jumysynyń bastalýy týraly málim etti. Onyń prezıdenttik saılaýlardy ótkizýden tájirıbesi mol ekeni atalyp, quramyna Qazaqstan halqy Assambleıasynyń músheleri, ǵylym men bilim jáne mádenıet qaıratkerleri, qoǵamdyq birlestikter jetekshileri tartylǵany habarlandy.
«Saılaýaldy negizgi is-sharalardyń biri oblystyń barlyq saılaý ýchaskeleri úshin 784 baıqaýshy daıyndalyp, olarmen semınarlyq sabaqtar ótkizý bastaldy», degen Natalıa Nıkolaevna komıssııa músheleri men baıqaýshylardyń saılaý úderisine qatysýshylarǵa teń quqyqtar men jaǵdaılardy qamtamasyz etýge, saılaý zańnamasyna sáıkes talaptardy saqtaýǵa jumys isteýge belsendilik tanytýǵa qushtarlyqtaryn aıtty.
Kezdesýde mańyzdy saıası naýqandy uıymdastyrý, saılaýaldy úgit-nasıhat jumystary, ony buqaralyq aqparat quraldarynda kórsetý jóninde túsinik berilip, suraqtarǵa jaýap qaıtaryldy.
Aıqyn NESIPBAI,
«Egemen Qazaqstan».
QARAǴANDY.