Ákimmen áńgime

Jazylym – 2016 Senbi kúni Almaty qalasynyń ákimi Baýyrjan Baıbek «Egemen Qazaqstan» respýblıkalyq gazeti» AQ prezıdenti Saýytbek Abdrahmanovty qabyldady. Baýyrjan Qydyrǵalıulyn Elbasynyń jańa senimine ıe bolyp, Almaty syndy megapolıske basshylyq etý jaýapkershiligi senip tapsyrylýymen quttyqtaǵan gazet basshysy jańa qyzmette tabys tiledi. Kezdesý barysynda qala ákimi búkil respýblıka boıynsha túsetin salyqtyń úshten birin jalǵyz ózi berip otyrǵan Almaty qalasynyń el ómirindegi orny men mańyzy jaıly aıtyp, osynaý ekonomıkalyq zor áleýetti satylap kótere berý jónindegi Elbasy tapsyrmasyn oryndaý oraıyndaǵy óziniń josparlaryn áńgimeledi. Eldik talaı bastamalarǵa serpin bergen Almatynyń qaı jaǵynan alsańyz da múmkindikteri mol. Onyń ústinde qazirgi ahýal jaǵdaıynda Almatynyń ınvestısııalyq tartymdylyǵy men ekonomıkalyq turaqtylyǵyn saqtap qalý ózekti. Baýyrjan Baıbek gazet basshysymen qala ınfraqurylymyn jaqsarta, jetildire túsý jónindegi, Alma­tynyń taıaý bolashaqtaǵy min­detteri men jańa aýdandardy damytýdyń keleshegi jaıly oılarymen bólisti. S.Abdrahmanov kezdesý so­ńyn­da táýelsizdiktiń talbesigi bolǵan aıaýly Almatynyń ty­nys-tirshiligin tanytý, jasam­pazdyq jumys jemisterin kór­setý el gazetiniń betindegi basym taqyryptardyń biri bola beretinin atap aıtty, bas basylymdy keler jyly jazdyrtyp alatyn almatylyqtardyń qatary qazirgiden góri qalyńdaı túsedi degen senimin bildirdi. ALMATY. *** Osy kúnderi Almaty obly­synyń ákimi Amandyq Bata­lov «Egemen Qazaqstan» respýb­lıkalyq gazeti» aksıonerlik qoǵamynyń prezıdenti Saýytbek Abdrahmanovpen kezdesti. Halqymyz «Jer jánnaty ­Jeti­sý» dep jyrǵa qosatyn Almaty oblysy – el ómirinde erekshe oryn alatyn aımaq. Aıdyndy Alakólden Han Táńirindeı uly shyńy bar Aspantaýǵa deıingi aralyqty alyp jatqan ulan-ǵaıyr óńirde keıingi jyldarda órkendi ózgerister kóbirek kórinip keledi. Elbasy saıasatyn qaı turǵydan da qyzý qoldaıtyn astanalyq oblys jurtshylyǵy ekonomıkalyq-áleýmettik reformalardy jemisti júzege asyrýda. Basylym basshysyna negizinen agrarlyq aımaq bolyp tabylatyn óńirdiń ındýstrııalyq áleýetin arttyrý jolyndaǵy júıeli jumys jaıynda áńgimelegen oblys ákimi Amandyq Batalov ınvestısııalyq tartymdyqty kúsheıtý, ekono­mıkanyń ınfraqurylymyn jetildirý baǵytyndaǵy máse­lelerdiń óz kezegimen sheshim taýyp kele jatqanyn aıtty. Mysaly, kezinde toz-tozy shyǵýǵa aınalǵan qyzylsha sharýashylyǵy qazirgi tańda jańa tehnologııalardy qoldaný, tyńaıtqyshtardy tıimdi paıdalaný arqyly birte-birte qalpyna kelip, kóptegen jańa jumys oryndarynyń ashylýyna múmkindik berdi. Shıpaly sýymen tanymal Alakóldi týrızm ortalyǵyna aınaldyrý jolynda kóp is atqarylýda. Qazirdiń ózinde oǵan Almatydan poıyz turaqty júredi, aldaǵy kezde arnaıy áýejaı jolaǵy tóselip, jaz aılarynda Astanadan, birqatar oblys ortalyqtarynan ushaqtar qatynap turatyn bolady. Amandyq Ǵabbasuly el gaze­tiniń betinde Jetisý jerindegi jaq­sy jańalyqtar tıisinshe kórseti­lip kele jatqanyna razylyǵyn bildirip, bas basylymǵa kelesi jyl­ǵa jazylýshylar sany qazirgi 20 myń­dyq deńgeıden óspese tómen­demeıdi degen senimin jetkizdi. Aınash ESALI, «Egemen Qazaqstan».  TALDYQORǴAN.