ShYMKENT. 5 naýryz. Ońtústik Qazaqstan oblysyndaǵy Túrkistan qalasynda budan birer kún buryn ot qushaǵyna oranǵan ortalyq bazar jabylyp, ol kóne shahar syrtyndaǵy jańa jerge qonys aýdarady. Bul týraly otyrar.kz habarlady.
«Elbasynyń tapsyrmasy boıynsha, ár qalanyń ortasyndaǵy bazarlar syrtyna shyǵarylýy tıis. Túrkistandyqtar berilgen tapsyrmany oryndaýǵa birden kirisken. Shahar syrtynan «Barlyq» dep atalatyn bazar da ashqan. Alaıda, satýshylar jańa orynǵa kóshýge kelgende belsendilik tanytyp otyrǵan joq», - delingen habarlamada.
Telearna osyǵan baılanysty qazir ortalyq bazardaǵy áıelderdiń kóńili sý sepkendeı basylǵanyn jazady. Muny ol «Jyldyń basynda saýda júrmeı, shyǵynǵa batqan shaqta qalanyń syrtyndaǵy jańa bazarǵa kóshsek, salyqtardy tóleı almaı qınalyp qalamyz dep qorqady», - dep túsindiredi.
Jergilikti bılik aǵymdaǵy jyldyń sońyna deıin ortalyqtaǵy bazarlardy qalanyń syrtyna kóshirýi tıis. Bosaǵan jerde kóriktendirý jumystary júrgizilip qoǵamdyq oryndar ashylady dep josparlanyp otyr.
Baqtııar Taıjan.
Derek, sýret: otyrar.kz.