Iýrıı POMERANSEV,
Qazaqstannyń halyq ártisi:
– Men qazir aıtarlyqtaı kúrdeli kezeń kele jatyr dep esepteımin. Biraq, biz, qazaqstandyqtar buǵan alańdamaýymyzǵa bolady. О́ıtkeni, Táýelsiz elimizdiń Tuńǵysh Prezıdenti N.Nazarbaev – álemdik aýqymdaǵy asa iri tulǵa. Sondyqtan, Otanymyzdaǵy aqsaqaldardyń biri retinde meniń Prezıdenttiń aldaǵy saılaýǵa óziniń kandıdatýrasyn usynsyn deýime tolyq quqym bar ǵoı dep oılaımyn.
Bedeline oraı, Nursultan Ábishulynyń ǵana elimizdiń ishinde de, syrtynda da ózindik ról atqaratynyna senimdimin. Jalpy, men Qazaqstan Prezıdenti týraly aıtqanda ol meniń teatrym jáne jeke ózim úshin ne istedi dep oılaıtynmyn. Sóıtsem, istegen nársesi kóp eken. Memleket basshysynyń qoldaýymen teatrdy jóndeýge aıtarlyqtaı qarjy bólindi. Prezıdent bizdiń ujymymyzben birneshe márte kezdesti. Shyǵarmashylyǵymyzdy da árkez baqylap otyrady. Kóptegen jyldan beri Prezıdenttik stıpendııa alyp kelemin. Nursultan Ábishulynyń qolynan Qazaqstannyń joǵary nagradasy – «Otan» ordenin aldym. Memleket basshysy, shyn máninde, mádenıet adamdarynyń janashyry.
ALMATY.
Sadyq JUMABAI,
prezıdenttikke 2011 jyly aqpanda kandıdat bolyp tirkelgen Nursultan Nazarbaevtyń senim bildirilgen adamy:
– «Nursultan Nazarbaev» degen esim búginde tórtkúl dúnıedegi halyqtardyń bárine tanymal desem, artyq aıtqandyq bolmas. Shetelderden Qazaqstandy aralaýǵa kelgen qanshama adam: «Qazaqstan halqy peıishti jerde, beıbitshiliktiń Altyn saraıynda alańsyz ǵumyr keshýde!» dep aýyzdarynyń sýy quryp aıtady. Bul – jalań sóz emes, ol sheteldikterdiń aǵynan aqtarylǵandaǵy sózi.
Búkil Qazaqstan halqy Nursultan Ábishulynyń aldaǵy 26 sáýirde ótetin Qazaqstan Respýblıkasy Prezıdentiniń saılaýyna halqy úshin, Máńgilik El úshin, jánnattaı jaınaǵan ulan-ǵaıyr jer úshin túskenin qalaıdy.
Jer sharynyń tas-talqan bolmaýy – Jer shary halqynyń birinshi basty múddesi. Elbasy Qazaq eli úshin ǵana emes, beıbitshilikti qoldaıtyn, qorǵaıtyn mıllıardtaǵan halyq úshin senimdi janashyr. Qazaqstan Respýblıkasynyń prezıdenttigine kandıdattyq tizimnen aldaǵy kúnderi tek is basyndaǵy Prezıdenttiń aty-jónin kórgimiz keletinin jasyrmaımyn.
Jarkent qalasy.
Svetlana PODOBEDOVA,
aýyr atletıkadan Olımpıada chempıony:
– Búginde, búkil álem kúrdeli qarjy-ekonomıkalyq daǵdarysty basynan keship jatqan kezde, bizdiń elimiz der kezinde qabyldanǵan saýatty sharalardyń arqasynda onyń áserlerin óte-móte az sezinip otyrǵany anyq. Bul barsha úshin qıyndyqtarǵa toly kezeńde turaqtylyqty saqtap, Qazaqstan ekonomıkasyn ári qaraı dáıektilikpen damytýǵa múmkindik bermek. Tek el basshylyǵyna senim kórsetý arqyly ǵana biz daǵdarystyń saldaryn asa aýyrtpalyqsyz eńseretin bolamyz.
Bizdiń Úkimetimiz, Memleket basshysy Nursultan Nazarbaevtyń tapsyrmalaryna sáıkes, qaı kezde de, tipti, óte kúrdeli ýaqyttarda da sportshylarǵa jan-jaqty qoldaý kórsetip keldi. Osynyń arqasynda biz qashanda el basshylyǵynyń qamqorlyǵyn aıqyn sezinýdemiz. Bizdiń eń jaqsy jaǵdaılarda jattyǵýlar jasaýǵa múmkindikterimiz bar. Biz jarystarǵa qatysý úshin shetelderge jıi shyǵyp turamyz. Sondaı kezderde sheteldikterdiń Qazaqstanǵa qurmetpen jáne qyzyǵýshylyqpen qaraıtyndaryn kóremiz.
Osy jyldardyń bárinde sportshylar qaýymy el basshylyǵyna úlken senim bildirip kelse, alda da bildire beretin bolady. О́ıtkeni, óz basym turaqtylyq pen ári qaraıǵy ósip-órkendeýdi qalaımyn.
Maıra AMANTAEVA,
Qazaqstan bilim jáne ǵylym qyzmetkerleri salalyq kásipodaǵynyń tóraıymy:
– Bizdiń salalyq kásipodaǵymyz 860 myńnan astam adamnyń basyn biriktirse, olardyń kópshiligi – áıelder. О́z ómirlerin óskeleń urpaq tárbıeleýge arnaǵan olar oqýshylarynan bilim-bilikteri men kúsh-qýattaryn jáne júrek jylýlaryn eshqashan aıaǵan emes. Bilim berý, otbasy, ana men bala máseleleri Memleket basshysynyń baqylaýynda ekenin biletin salalyq kásipodaq prezıdenttik saılaý ótkenin jan-jaqty qoldaǵan bolatyn.
Muny biz durys jáne der kezinde jasalǵan sheshim dep esepteımiz. Memleket basshysy Nursultan Nazarbaevtyń saıasaty durys ekenin onyń el men halyqtyń kóńilinen shyǵatyn ustanymdary anyq ańǵartady. Biz Prezıdenttiń tóńiregine toptasý arqyly qazaqstandyqtardyń ál-aýqatyn odan ári arttyrýdy qamtamasyz etetin «Nurly Jol» Jańa Ekonomıkalyq Saıasatyn júzege asyrýǵa belsene qatysýǵa tıispiz. Osy oraıda, bizdiń kásipodaq qazirgideı jaǵdaılarda Nursultan Ábishuly saılaýǵa óziniń kandıdatýrasyn usynýy tıis dep sanaıdy. Elbasyn halyqtyń qoldaıtynyna esh kúmánim joq.
ASTANA.
Lıýdmıla BENNER,
pedagogıka ardageri, Qazaqstan Respýblıkasy bilim berý isiniń úzdigi:
– Meniń pedagogtik qyzmetimniń kóptegen jyldary mektepke deıingi bilim berýmen baılanysty. Biz baqshalarǵa balalardy esh nárse bilmeıtin kishkentaı kezderinde qabyldap alsaq, keıin olardy bilim men mádenıetten habarlary bar óskinder retinde shyǵaryp salamyz. Jáne balalar baqshasynyń personaly qaı kezde de ózderiniń tárbıelenýshileri úshin shyn janashyrlyq tanytyp, ári qaraıǵy ómirlerinde baqyt tileıdi. О́mir joldarynyń qashanda ashyq bolyp, jaqsy azamattar bolyp óskendigin qalaıdy.
Osy aýyr da qyzyqty tárbıe jumysynda biz árkez memleket pen Prezıdenttiń qoldaýyn anyq sezinip júrmiz. Memleket basshysy óziniń Qazaqstan halqyna jyl saıynǵy Joldaýlarynda jáne basqa da negiz qalaýshy qujattar da óskeleń urpaqqa úlken nazar aýdaryp keledi. Sondyqtan, biz is basyndaǵy Prezıdenttiń aldaǵy kezekten tys prezıdenttik saılaýǵa óziniń kandıdatýrasyn usynǵanyn qalar edik. Bul qaı kezdegiden de óte qajet. О́ıtkeni, barshamyzǵa qazirgideı kúrdeli shaqta óz Kóshbasshysynyń janyna toptasqany asa kerek úderis.
Pavlodar.
Rınat QUSAIYNOV,
№2 kámeletke tolmaǵandardyń isteri jónindegi mamandandyrylǵan aýdanaralyq sotynyń tóraǵasy:
– Qazaqstan halqy Assambleıasy kezekten tys prezıdenttik saılaý ótkizý týraly mańyzdy sheshim qabyldaǵan bolatyn. Álemdik ekonomıkalyq daǵdarys pen kúrdeli halyqaralyq jaǵdaı oryn alyp otyrǵan tusta saılaý ótkizý týraly jalpyhalyqtyq bastamanyń kóterilýi ýaqyt talaby edi. Endi jahandyq syn-qaterler kezeńinde elimizdiń Prezıdenti Nursultan Nazarbaevqa Qazaqstandy daǵdarysqa uryndyrmaı alyp shyǵýǵa múmkindik beretin jańa senim mandaty tapsyrylýy tıis. Bul qadamnyń Qazaqstannyń keleshegi men gúldenýi basty maqsattaryna jetýi jolynda qazaqstandyqtardyń jiger-qýatyn biriktiretini kúmánsiz.
Jalpy, qazirgi kezde elimizdegi yntymaqty jandandyryp, qoǵamdaǵy barlyq azamattardy Elbasymyz Nursultan Nazarbaevtyń mańyna toptastyrý asa mańyzdy. Bul – «Qazaqstan-2050» jáne «Máńgilik El» Strategııalaryn burynǵydan da qýatty etip qana qoımaı, olardy birlesip júzege asyrýdyń tarıhı múmkindigi. Qysqasy, bul saılaý memlekettik apparattyń, zań shyǵarýshy organdardyń, bılik ókilderiniń, halyqtyń barlyq kúsh-jigerin jumyldyrý arqyly jahandaný zamany alǵa tartqan kedergilerge tosqaýyl qoıýǵa sep bolýy kerek.
Semeı.