El múddesin ekshegen qadam

Men ómirlik tájirıbesi, kór­gen-túıgeni bar, kezinde Qos­­­­­ta­naı sııaqty irgeli oblysty bas­­­qarǵan, Qazaqstan Parlamenti Máji­lisine depýtat bolǵan adam retin­de, jalpy Táýelsiz Qazaq eliniń bir azamaty retinde kezekten tys prezıdenttik saılaýdy bı­yl, ıaǵnı 2015 jyly ótkizý týraly usynysty dál ýaqytynda, jan-­jaqty oılastyrylyp baryp jasal­ǵan baılam dep qabyldaǵan edim. Birinshiden, mundaı usy­nysty Qazaqstandaǵy 140-taı ult pen ulystyń basyn qosyp, biriktirip, uıytqy bolyp otyrǵan, bedeli men ustanymy jóninen jalǵannyń jalpaǵyna tanylǵan Qazaqstan hal­qy Assambleıasynyń Keńesi jasady. Bul qurylym Qazaqstandaǵy barlyq ult pen ulystyń múddesin, olardyń oı-armanyn dóp basyp, bildirdi. Ekinshiden, Assambleıanyń osy usynysyn elimizdegi saıa­sı partııalar men qoǵamdyq birles­tikter, shyǵarmashylyq odaq­tar, jastar, ardagerler keńesi men áıel­der qaýymdastyǵy – bir sózben aıtqanda, jalpy, jurtshy­lyq biraýyzdan qolda­dy. Tipti, men mundaı usynysqa qar­sy bolǵan birde-bir jannyń piki­rin estigen joqpyn. О́ıtkeni, prezı­denttik saılaýdy dál bıyl, qazirgideı erekshe kókeıkesti máselelerdi túbegeıli sheshý qolǵa alynyp jatqan tusta ótkizý bul Táýelsiz Qazaqstannyń qamyn, onyń ekonomıkasy men áleýmettik salasyn turaqty damytýdyń qamyn oılaǵandyq edi. Bul – «Nurly Jol» baǵdar­la­masyn túbegeıli júzege asy­rýdyń, «Qazaqstan-2050» Stra­tegııasynda alǵa qoıylǵan álem­degi asa damyǵan 30 eldiń biri bolý, «Máńgilik El» ulttyq ıdeıasyn bekemdeı túsýdiń qamyn oılaǵandyq bolatyn. Bul – Qazaqstandaǵy óte tıimdi turaqtylyq modelin saqtaýdyń, birligimizdi bekemdeı túsýdiń, barlyq kúsh-jigerimizdi, oı-maqsatymyzdy Kóshbasshy­myz – Qazaqstan Prezıdenti Nursultan Nazarbaev tóńiregine toptastyrýdyń qamy edi. Bul – álemdi jaılaǵan daǵ­darysqa qarsy turýdyń, odan aman-esen ótip, elimizdi bıik belesterge bastaýdyń qamy bolatyn. Bul – Qazaqstanda qalyptasqan dana da sara ishki jáne syrtqy saıasat­taǵy ustanymdardy saqtap, Ota­nymyzdy el múddesine, Qazaq­standa turatyn ár ulttyń múd­desine saı damytýdyń qamy edi. Osynyń bárin bizden artyq biletin Elbasy óz Jarlyǵymen saılaý kúnin belgilep berdi. Al endi osyndaı asqaraly min­detterdi atqaryp, aýyr júk­ti kó­terip, Qazaq elin búgingi qoıy­­lyp otyrǵan asqaraly min­det­­­­ter­ge saı damyta alatyn tulǵa bar ma? Árıne, bar. Ol – Táýel­­siz­ Qazaqstannyń Tuńǵysh Pre­zı­­­­­­den­ti – Elbasy Nursultan Nazarbaev! Men Nursultan Ábishuly­nyń qaıratkerlik, kóshbasshy­lyq qasıetterin jaqsy biletin jan­­dardyń birimin. Ol 1995 jyly 29 qyrkúıekte meni ózi­niń Jarlyǵymen Qos­tanaı obly­­synyń ákimi etip taǵaıyn­­da­dy. Bul kezeń burynǵy ekono­mıkalyq baılanys­tardyń úzilip, jańa júıe áli qalyptaspaǵan, táýelsiz elimizdiń endi ǵana jańa Qazaqstandy quryp jatqan erekshe bir qıyn shaǵy edi. Halyqtyń qınalǵan tusy da dál sol sát bolatyn. Sol turalap qalǵan ekonomıkany alǵa bastyrǵan, halyqtyń el bolashaǵyna degen senimin arttyrǵan, sheteldermen dıplomatııalyq qarym-qatynas ornatyp, shekarasyn shegelegen, kedenin ornatqan, jańa ekonomıkalyq qatynastardy rettegen, júrgizilgen reformalarǵa erekshe serpin bergen, halyqtyń senimine ıe bolǵan kim edi? Árıne, Nursultan Ábishuly Nazarbaev! Budan buryn ótken saılaý­larda asqan basymdylyqpen jeńiske jetken, el tizginin berik ustap, búkilálemdik qoǵamdastyq arasynda orasan zor bedelge ıe bolǵan, Qazaqstan halqynyń barlyq jiginiń qoldaýy men senimin ıelengen, eliniń kóshin bastaǵan dalanyń dana uly kim edi? Árıne, Nursultan Ábishuly Nazarbaev! Olaı bolsa, biz osyndaı ulymyzǵa, halqynyń adal per­zen­­tine el tizginin ustatyp, ózi bas­taǵan isterdi tabysty jalǵas­tyrýyna múmkindik berýimiz qa­jet. Mine, men sondyqtan da ke­zekten tys prezıdenttik saı­laý­­dy bıyl ótkizýdi qoldaǵan edim. Toqtarbaı QADAMBAEV, qoǵam qaıratkeri. QOSTANAI.