ASTANA. 25 tamyz. Jaqynda Amerıkada usynylǵan «qar adamy» týraly vıdeo áleýmettik jelini paıdalanýshylar arasynda úlken pikirtalas týǵyzdy. Bul týraly Yahoo News habarlady.
Qurlyqta «bıgfýt» degen at alǵan mıftik tirshilik ıesi Kalıfornııa shtatyndaǵy Blaff-Krık degen jerde túsirilgen eken. Rolık avtory M.Devıs ony 2008 jyly túsirgenin aıtady. Biraq jelide osydan birneshe kún buryn ǵana jiberilgen. Operatordyń oıynsha, ol butalar arasynda otyrǵan ıetıdi, ıaǵnı «qar adamyn» túsirip úlgergen.
«Kún qarańǵy edi. Men sonda da ózimnen birneshe metr jerde ózgeshe tirshilik ıesin kórip turǵanyma kúdiktene almadym, - deıdi ol. – Men tabıǵat kórinisterin túsirip júr edim. Sosyn túsirilgen materıaldy qarasam, onda jyljyp bara jatqan úlken aq tulǵany kórdim».
Devıs sondaı-aq túsirilim jasalǵan jerge jaqyn mańda denesi bólshektenip tastalǵan buǵyny kórgenin de aıtady. Degenmen, bul rolıkten paıdalanýshylardyń barlyǵy birdeı «qar adamyn» kóre almaǵan. Kóp kisi muny áldeqandaı bir túsirilimniń montajy dep te esepteıdi. Taǵy bireýler kadrǵa adam tektes maımyl túsip ketken degen oıda. Osynyń bári qazir talas týǵyzyp jatyr.
Talǵat Raıymbek.
https://youtu.be/uRWbrybYMo4