KО́KShETAÝ. 25 tamyz. Kókshetaýda Qazaqstan Respýblıkasy Parlamenti Májilisi Tóraǵasynyń orynbasary Sergeı Dıachenko «Nur Otan» partııasynyń Aqmola oblystyq fılıalynda azamattardy jeke máselelerimen qabyldady. Onda árkim ózin tolǵandyrǵan máselelerdi ortaǵa salyp, Parlament ókilinen kómek qolyn sozýyn surady. Bul týraly egemen.kz tilshisi habarlady.
Aldymen azamatsha Shynar Ǵabbasova usynyspen júgindi. Ol óziniń jubaıy birinshi toptaǵy múgedek ekenin aıtyp, bes adam aıadaı bir bólmeli páterde qysylyp-qymtyrylyp turyp jatqandaryn jetkizdi. Biraq, óziniń páter surap kelmegenin tilge tıek etti. Sebebi, osyǵan deıin qalalyq ákimdikte bolyp turǵyn úı alýdyń jaǵdaıymen de tanysady. Zań bárine ortaq. Eshkimge kezekti attatyp páter kiltin qolyna ustata qoımaıdy. Sondyqtan, QR «Turǵyn úı qatynastary týraly» zańyna ózgertýler engizilse degen usynysyn ala kelipti. Mundaǵy oıy áleýmettik turǵyda az qamtylǵan toptaǵy turǵyndarǵa jergilikti atqarýshy organdar jekelegen tizimder júrgizse degen tilek.
О́z kezeginde Sergeı Dıachenko bul máselege zań qabyldaý kezinde basa nazar aýdarylatynyn aıtty. Ol kóptiń ortaq pikirimen sheshiletin másele dedi.
Shýchınsk qalasynyń turǵyny Aleksandr Boıkonyń talaı shekpendiniń tabaldyryǵyn tozdyryp júrgenine de birsydyrǵy ýaqyt bolypty. О́zi elimizdiń eńbek sińirgen týrızm nusqaýshysy eken. A.Boıko jumyssyzdar sanyn qysqartýda Býrabaı kýrortty aımaǵynda týrızm jáne buqaralyq demalys ındýstrııasyn damytý qajettigin aıtady. Osynyń ishinde, «Shýchınskıı» sanatorııasyn qurylymdyq ózgeristerge túsirý jóninde kásipodaqtardyń respýblıkalyq federesııasyna joldaǵan jazbasha shaǵymy onyń jumystan bosatylýyna negiz bolǵan kórinedi.
Al, Alla Mıshına elimizdiń soltústik óńirlerinde burynǵy keńes zamanyndaǵydaı jalaqyǵa 15 paıyzdyq ústemeaqy berilse deıdi. О́ıtkeni, bizdiń jaqtyń tabıǵaty da qatal, qysy da uzaq. Adamdarǵa kommýnaldyq shyǵyndy óteý de ońaıǵa soqpaıdy.
Parlament ókili bul usynysty da nazarǵa alatynyn jetkizdi.
Májilis Tóraǵasynyń orynbasary qazirgi tańda bıýdjet qarajatyn meıilinshe tıimdi jumsaýǵa baǵyt ustalǵanyn aıta kelip, Parlament talqylaýyndaǵy zańdyq aktiler jóninde habardar etti.
Vıse-spmkermen birge qoǵamdyq qabyldaýǵa Parlament Senatynyń depýtaty Rashıt Ákimov te qatysyp, saılaýshylar suraqtaryna jaýap qaıtardy.
Baqbergen Amalbek.
Derek, sýret: egemen.kz