ÁLEÝMETTIK TUSAÝKESER

Elimizde alǵashqy Áleýmettik jarnama alleıasy ashyldy “Jarnama” degen termındi tek kommersııamen, bolmasa saýda-sattyqty júrgizýmen ǵana baılanystyrýǵa bolmaıtyndyǵyn búginde áleýmet jaqsy biledi. Kez kelgen máseleni eske salýda, nasıhattaý men sheshimin tarqatýda áleýmettik jarnamalar ózin-ózi senimdi aqtaǵan. Batys elderinde ol júz jyldan astam ýaqyt boıy áleýmettiń ámbebap anyqtaýshy quralyna aınalyp, qoǵamnyń áleýmettik túıtkilderin túzetýge qyzmet etip keledi. Osyndaı jarnamalar arqyly  adamzattyń nazaryn ózekti máse­le­lerge aýdaryp, úkimettik emes sek­tor­dyń qyzmeti týraly aqparattar alyp, kókeıkesti máselelerdi she­shýge jáne  uzaq merzimdi kele­shek­ke jańa áleýmettik qundylyqtar qu­rýǵa bolatyny baıaǵyda anyq­talǵan. Qazirdiń ózinde elimizde áleý­met­tik jarnamalardyń úzdik úlgi­lerin baıqaýǵa bolady. Al onyń tamasha ózindik alańyn qurýǵa úl­ken múmkindikter bar. Máselen, osyndaı qolaıly jer Almatydaǵy “Stolıchnyı” sýpermarketi janyn­da­ǵy jabyq promenad-aımaq bolyp otyr. Osylaısha, elimizdegi eń birin­shi áleýmettik jarnamalar alleıasy ashyldy. – Almatylyqtarǵa belgili sýper­market janynan ótip bara ja­typ bizge dál osy jerde áleýmettik jarnamalar ornalastyrý týraly oı keldi. Ideıany qala­da­ǵy Almaly aýdanynyń ákimdigi qoldady. Jo­bany iske asyrý, kerek derekterdi nasıhattaý ÚEU, bıznes pen bı­lik­tiń basyn qosa ala­tyn azamattyq alıans úlgisine aınala alady, – deıdi Qa­zaqstan Jastary Medıa oda­ǵynyń  dırektory Svetlana Galıeva. – Jobany iske asyrý bary­syn­da  qazirgi qoǵamdy alańdatqan má­se­lelerge kóńil bólinetin bo­la­dy. Qazirgi tańda elimizde áleý­met­tik jar­namalar  laıyqty ba­ǵalanady ári oǵan suranys ta bar. Jáne ol jarnamalyq keńistikte birinshi kezekke shyǵyp, kommý­nıkasııanyń jeke túrine aınala alady. Son­dyqtan da áleýmettik jarnama men áleýmettik PR qa­zirgi qoǵamdy izgi­lendirý men na­ǵyz adamı qun­dy­lyqtardy qalyp­tastyrýdyń qura­lyna aınala alady, – deıdi osy bastamany qostaǵan Almaty qala­syndaǵy Almaly aýdanynyń ákimi Marat Pirinbekov. Osylaısha qaladaǵy Jeltoqsan dańǵyly men Qabanbaı batyr kó­she­si túıisetin tustaǵy úlken dúken alańynda Qazaqstandaǵy tuńǵysh áleýmettik jarnamalar alleıasy tusaýyn kesti. Alǵashqy kórme jýyr­da ǵana týǵan kúnin toılaǵan elorda qurmetine “Astanadan shyn júrek­ten” dep ataldy. Galereıada belgili fototilshi Andreı Pılı­pen­ko­nyń merekeniń jarqyn sátterin beıne­leıtin úlken formattaǵy pos­ter­leri men ekologııaǵa, densaýlyq saqtaýǵa, Almatynyń tarıhyna ar­nalǵan taqyryptyq kórmeleri sap túzedi. Aınash ESALI, ALMATY.