Elbasy Nursultan Nazarbaev «Kópetnostylyq – problema emes, kerisinshe, ol – bizdiń strategııalyq resýrsymyz», dep naqtylaǵany málim. Osy oraıda, ulttyq ulaǵattan bastaý alatyn jaıdan oı qozǵasam, bilim jolynda san jurttyń ókili toǵysyp, ózara túsinisip, dos bolyp ketedi eken. Mysalǵa, biz eńbek etetin Almaty oblystyq Q.Baıseıitov atyndaǵy mýzyka kolledji bilimgerleriniń ózindik jumystaryn uıymdastyrý formalary, psıhologııalyq erekshelikteri, aspektileri, komponentteri tanymdyq belsendilikterin ashý arqyly kórinedi. Ásili, kez kelgen ult zııalylarynyń tula boıynda tunyp turatyn adamı qundylyqtary uqsas bolatyny bar ǵoı. Jaqsy qasıet bir ult ókilinde erekshe damysa, taǵy biriniń boıynan ádemi ádetti baıqaımyz.
Búgingi qoǵamǵa jumysyn erkin meńgerip, keńinen oılaıtyn, aldyna qoıǵan maqsatyna jetýdiń ádis-tásilin shyǵarmashylyqpen shyńdaı alatyn kásibı maman kerek. Mundaı tulǵanyń damýyna baǵyttalǵan bilim berýdiń negizi ózin ózi tárbıeleý, jetildirý úderisi jatady. Grek fılosofy Sokrat ózi oqytý prosesindegi oqyp úırenýshilerdiń tanymdyq belsendilik pen ózindik jumysqa pedagogıkalyq basshylyq jasaýdyń qanshalyq mańyzdy ekendigin erekshe atap ketken. Sokrattyń usynǵan bilim berý ádisi stýdenttermen damý úderisindegi shynaıylyqty, óz betinshe tabýdy, naqtylaýdy, túsinikterdi jetildirýdi talap etedi.
Kolledjde ózindik jumysty uıymdastyrý psıhologııalyq-pedagogıkalyq, óndiristik tájirıbe jáne baqylaý jumystary bolyp tabylady. Ádistemelik turǵydan bilimgerdiń tanymdyq is-áreketin qalyptastyrý úshin aýdıtorııadaǵy jáne odan tys ózindik jumys túrlerin durys uıymdastyrýdyń mańyzy zor. Ásirese, eldiń kórki, ulttyń ári sanalatyn qyz tárbıesin biz alǵa shyǵaryp otyrmyz.
Bilim uıasyndaǵy ulastyq názik jandylardyń boıyna izet pen ınabatty darytý, jat qylyqtardan saqtandyrý – bári de árkez nazarda. Búgingideı jahandaný zamanynda «Qyzǵa qyryq úıden, qala berse qara kúńnen tyıym», dep otbasynan bastap ár bilim mekemesi jete mán bermese bolmaıdy. Bizdiń kolledj bul iske jete kóńil aýdarady.
Mundaı eldik iste ózindik jumysty oryndaýda bilimgerdiń ártúrli tásilder qoldana alýy, biliktiligi, is-árekette dıdaktıkalyq qabileti, motıvasııalyq-qundylylyq – qaı-qaısysy da jumys nátıjesimen ólshenedi. Kásipke baýlı otyryp, tárbıe mazmunyn túsiný mańyzdy. Talap bilim alýshynyń qabiletin, minezin tereńinen ańǵarý. Jeke tulǵanyń áreketi, isti oryndaýǵa degen qabileti, oǵan daıarlyǵy men ishki psıhologııalyq ázirligi birinshi eskerilýi kerek. Munyń bári tyńdaýshylardyń eńbek daǵdylaryn jete bilip, kásibı baǵdarlardy tereń meńgerýine múmkindik týdyrady.
Gúlvıra JÚNISOVA,
Almaty oblystyq Q.Baıseıitov atyndaǵy mýzyka kolledji dırektorynyń oqý isi jónindegi orynbasary.