Jaqynda Parlament Májilisiniń depýtattary Elýbaı Orazalınov, Amanqos О́tegenov Aqsý qalasynyń aktıvimen kezdesip, “Jańa onjyldyq – jańa ekonomıkalyq órleý – Qazaqstannyń jańa múmkindikteri” atty Elbasynyń Joldaýy aıasynda respýblıkada júzege asyrylyp jatqan ıgilikti ister jóninde keńinen baıandap berdi. Kezdesýdi júrgizgen qala ákimi Orazgeldi Qaıyrgeldınov atbasyn burǵan depýtattardyń mıssııasy asa mańyzdy ekenin atap ótti.
Elýbaı Orazalınov búgingi tańda Joldaýdyń sheńberinde elimizde atqarylyp jatqan ıgi isterdi áńgimelep berdi. Qazirgi ýaqytta, dedi ol, “Jol kartasy” baǵdarlamasy aıasynda belgilengen maqsat-mindetter tabandylyqpen jáne nátıjeli iske asyrylyp jatyr. Kásipkerlikti damytý úshin “Bıznestiń “Jol kartasy-2020” arnaıy baǵdarlamasy jasalyp, ol búginde aıtarlyqtaı jemis ákelýde. Jalpy, elimizdiń ındýstrııalyq-ınnovasııalyq damý baǵdarlamasyn júzege asyrý maqsatynda aýqymdy jobalar qolǵa alynǵan. Jýyq arada Pavlodar oblysynda Prezıdenttiń qatysýymen elektrolız zaýytynyń ekinshi kezegi saltanatty túrde iske qosyldy. Sondaı-aq Elbasynyń Joldaýyna sáıkes Aqsý ferroqorytpa zaýytynda aglomerat sehynyń alǵashqy kezegi paıdalanýǵa berildi. Pavlodar oblysyndaǵy ekinshi joba – júk vagondaryn qurastyratyn kásiporyn. О́tken jyldarda naryqtyq ekonomıkanyń negizderi qalanyp, elimiz turaqtylyqqa qol jetkizdi. Qazirgi tańda Qazaqstan álemniń 120-dan astam elimen joǵary dıplomatııalyq qarym-qatynas ornatqan.
Búginde “Jol kartasy” aıasynda 37 joba júzege asyryldy. Jalpy, respýblıka boıynsha atalmysh baǵdarlama sheńberinde 3 myń 200 jobany iske asyrý kózdelip otyr. Tabıǵı qorlardyń qaldyqtaryn óndiriske qaıta tıimdi paıdalaný máselesin sheshý qolǵa alyndy, sebebi, bul kezek kúttirmeıtin problemalardyń biri bolyp sanalady.
Sodan soń sóz sóılegen Amanqos О́tegenov qandaı zańdar qabyldanǵany jóninde aıtyp berdi. Keden odaǵynyń mańyzy týraly áńgimeledi. Onyń qurylýy jáne odan ári biryńǵaı ekonomıkalyq keńistiktiń paıda bolýy ulttyq ekonomıkany nyǵaıta túsip, halyqtyń turmys jaǵdaıyn joǵarylatatyny sózsiz, dedi depýtat.
“Jer qoınaýy men jer qoınaýyn paıdalaný týraly” Zańnyń qabyldanǵany jáne “Turmystyq qatynastar týraly” Zańǵa keıbir ózgerister, qosymshalar engizilgenin tilge tıek etti. “Fermerlik sharýa qojalyqtary týraly” Zań qaralyp jatyr. Ol boıynsha 633 depýtattyq suranys túsken bolatyn. Búginde tıisti jumystar jasaldy.
Májilis depýtattarymen kezdesýdi Orazgeldi Qaıyrgeldınov qorytyndylap, Aqsý óńirindegi ıgilikti ister týraly baıandady. Jańa qazaq mektebi, emhana, polıetılen qubyrlaryn shyǵaratyn zaýyt paıdalanýǵa berilgenin aıtty. Sondaı-aq “Jol kartasy” baǵdarlamasy aıasynda bıyl qalalyq kitaphanaǵa, №4 orta mektepke, qarttar úıine, muraǵatqa kúrdeli jóndeý jumystary júrgizilgenin kóldeneń tartty.
Sábıra SAǴYNAI, Pavlodar oblysy, Aqsý qalasy.