Ulttyq kitaphanada «Konstıtýsııa zaly» ashyldy

Ulttyq akademııalyq kitaphanada Ata Zańymyzǵa 20 jyl tolýyna baılanys­ty «Konstıtýsııa» zalynyń saltanatty ashylý rásimi ótti. Konstıtýsııa týraly oqyr­mandardyń tanym-túsinigin art­tyrý, sondaı-aq Ata Zańdy qurmet­teýge tárbıelep, belsendi azamattyq ustanymdaryn ári quqyq­tyq sana-sezimin qalyp­tastyrý maqsatynda ashylǵan «Konstıtýsııa» zalyna qara­paıym qaǵıdalardan bastap, egemendi elimizdiń quqyqtyq júıesine deıingi qujattardy, shetelderdiń konstıtýsııalary qoıy­lypty. Olardyń arasynda Konstıtýsııanyń qurylý tarıhyna qatysty foto, baspa, aýdıo jáne beınematerıaldar, Negizgi Zańnyń ár jyldardaǵy basylymdary, Prezıdent N.Nazarbaev­tyń ulyqtaý rásimindegi jazbalary, Konstıtýsııalyq Keńestiń jumysy týraly materıaldar oqyrman nazaryna qoıylǵan. Atalǵan saltanatty sh­a­raǵa Konstıtýsııalyq Keńes­tiń tóraǵasy I.Rogov, Kons­tıtýsııalyq Keńes músheleri, Parlament depýtattary, el­or­­dalyq zııaly qaýym, bel­gili zańgerler, ǵalymdar, qaladaǵy mádenı mekemelerdiń jetekshileri qatysty. «Konstıtýsııalyq Keńes pen eldiń barlyq zańgerleriniń atynan barshańyzdy aldaǵy Qazaqstan Konstıtýsııasy kúni­men quttyqtaımyn. Negizgi Zańnyń mereıtoıy qarsańynda Ulttyq akademııalyq kitaphanada «Konstıtýsııa» zalynyń ashylýy tańbaly oqıǵa bolyp otyr. Bul kúni Konstıtýsııa mátinin qaıta qarap shyǵyp, elimizde osy qujatqa negizdele otyryp júzege asyrylǵan aýqymdy jumystarǵa kóńil aýdarýymyz kerek dep oılaımyn. Búkil Qazaqstan halqy Konstıtýsııanyń avtory bolyp tabylady, óıtkeni Negizgi Zań respýblıkalyq referendýmda barsha halyqtyń daýys berýi arqyly qabyldanǵan bolatyn. Osy sátti paıdalana otyryp, barshańyzdy taǵy da Ata Zańymyzdyń 20 jyldy­ǵymen quttyqtaımyn», – degen Konstıtýsııalyq Keńestiń tóraǵasy I.Rogov jańadan ashyl­ǵan «Konstıtýsııa» zaly­nyń tusaýyn kesti. Konstıtýsııa zalynyń eks­po­zısııasy 4 bólimnen tura­dy: qa­zaq­tyń ádet-ǵur­yp ere­je­leri, Qazaqstan Konstı­tý­sııa­­­synyń tarıhy, 1995 jyl­ǵy Qazaq­stan Respýblıkasy Kons­­­tıtýsııasy jáne shetel­der­­­diń konstıtýsııa­lary. Eks­po­­zı­sııa­nyń basty buıym­da­ry qa­zaq­tyń ádet-ǵuryp ere­je­le­ri men Qa­zaqstan Kons­tı­týsııa­sy­nyń, sondaı-aq shetel­derdiń Kon­s­­tıtýsııalarynyń tarı­hy­­na baı­lanysty 300-den asa ki­tap, ki­tapsha, kıno-foto-fono qu­jat­­tardan quralǵan. Kons­tı­tý­­sııa zaly ǵalymdar, stýdentter, oqýshylar, kitaphana oqyr­mandary, kitapqumarlar, sondaı-aq memleket tarıhy boıynsha áýesqoılardyń jumys jasaýyna arnalyp otyr. Sonymen qatar, zaldyń ashylýy aıasynda Konstıtýsııalyq Ke­ńes tóraǵasy kitaphanaǵa bir­qa­tar tarıhı baǵaly kitaptar tabys etti. Sonyń biri, «Ýgolovnoe oby­ch­­noe pravo kazahov» atty ki­tap­tyń qaıta basylǵan nus­qa­­sy. Onyń avtory Taı­yr Moldaǵalıuly Kúlteleev – tuńǵysh zań­­­ger-ǵalym, Qazaqstandaǵy qu­­­qyq­­tyq bilim berý men zań ǵy­ly­myn damytýdy alǵashqy uıym­­dastyrýshylardyń biri, qazaq­­tyń ádet-ǵuryp erejelerin zert­­teýshi. Kóp jylǵy zertteý jumys­tarynyń nátıjesinde T.M.Kúl­teleevtiń doktorlyq dıssertasııasy dúnıege keldi, alaıda ony qorǵap úlgere almady. 1955 jyly atalǵan eńbek S.Bolatov, L.Dıýkov, S.Zımanov, A.Fı­lı­­monova jáne V.Kım bas­ta­ǵan ǵalymdardyń kúsh salýy­men monografııa túrinde jaryq kórdi. Ulttyq akademııalyq kitap­hana dırektory Úmithan Muńal­baeva Konstıtýsııalyq Keńestiń tóraǵasy men barlyq ujymyna jańa zaldyń ashylýyna kómek kórsetip, sharaǵa qatysqany úshin rızashylyǵyn bildirdi. Sondaı-aq, ol «Konstıtýsııa» zalynyń ashylýyna tikeleı qoldaý kórsetken Mádenıet jáne sport mınıstri Arystanbek Muhamedıulyna alǵys aıtty. Aıdar О́RISBAEV, «Egemen Qazaqstan».