ASTANA. 2 shilde. Elbasy «ArselorMıttal Temirtaý» aksıonerlik qoǵamynyń eńbek ujymyna jáne Qazaqstan Magnıtkasynyń ardagerlerine alǵashqy shoıyn qorytpasy alynýynyń 55 jyldyǵyna baılanysty quttyqtaý jedelhatyn joldady. Bul týraly akorda.kz habarlady.
Quttyqtaýda Qarmetkombınat pen búkil otandyq metallýrgııanyń dańqty tarıhynda bul oqıǵanyń mańyzdy beles bolyp sanalatyny jáne ol áli kúnge ónerkásiptiń berik arqaýy bolyp otyrǵany atap ótilgen.
«Birinshi domna peshinde Qazaqstannyń alǵashqy shoıynyn quıýǵa qatysqandyqtan, sol kezde qansha qajyr-qaırat jumsalǵanyn jaqsy bilemin. Sizderdiń eńbektegi erlikterińiz Qazaqstannyń jasampaz jylnamasyna endi. Búginde kombınattyń óndiristi jańǵyrtyp jáne respýblıka ekonomıkasyna qosatyn úlesin ulǵaıta otyryp, qarqyndy damý dástúrin jalǵastyryp kele jatqany qýantady», – delingen jedelhatta.
Sońynda Memleket basshysy kásiporyn ujymynyń eńbegine tabys, al ardagerlerge myqty densaýlyq pen baq-bereke tiledi.
Elaman Qońyr.
Derek, sýret: akorda.kz.