Senimge negizdelgen seriktestik

Keshe Memlekettik hatshy Gúlshara Ábdiqalyqova Meksıka, Venesýela, Kongo Respýblıkasy, Koreıa Halyqtyq-Demokratııalyq Respýblıkasy, Sýdan Respýblıkasy jáne El-Salvador Respýblıkasynyń Qazaqstanda elshilik qyzmetterin qosa atqaratyn Tótenshe jáne ókiletti elshilerinen Senim gramotasyn qabyldady. Memlekettik hatshy Mek­sıka, Venesýela, Kongo jáne KHDR-dyń ýákiletti ókilderin EKSPO-2017 kórmesin ótki­zý quqyǵyn alý barysynda Astananyń kandıdatýrasyna qoldaý kórsetkenderi úshin, sondaı-aq, Meksıka, Vene­sýela, Salvador jáne KHDR elshilerine 2017-2018 jyldary BUU Qaýipsizdik Keńesiniń turaqty emes músheligine Qa­zaqstan Respýblıkasynyń kandıdatýrasyn qoldaǵandary úshin alǵysyn bildirdi. Gúlshara Ábdiqalyqova Meksıka elshisi Marta Elena Barsenamen áńgime barysynda Meksıka Qazaqstannyń La­tyn Amerıkasyndaǵy Bra­zılııadan keıingi iri saýda seriktesi ekenin atap kórsetti. 2014 jyly Qazaqstan men Meksıka arasyndaǵy taýar aınalymy 120,8 mln. AQSh dollaryn qurady. Memlekettik hatshy 2015 jyly Qazaqstanda ashylýy kózdelip otyrǵan Meksıkanyń elshiligi arqyly tikeleı dıplomatııalyq qarym-qatynas ornatý elaralyq baılanystardy saıası jáne ekonomıkalyq qana emes, áleýmettik-gýmanıtarlyq salalarda da tereńdetýge múmkindik týǵyzatynyn atap ótti. Ekijaqty kezdesý barysynda memleketaralyq qarym-qatynastardy damytýdyń jaı-kúıi men keleshegi talqy­landy. G.Ábdiqalyqova ja­handaný jaǵdaıynda saıası, eko­nomıkalyq, saýda, ǵylym, mádenıet jáne bas­qa salalardaǵy yntymaq­tas­tyqty damytý bizdiń memleket­terimizdiń ulttyq múddelerine saı keletinin, osyǵan oraı, dıplomatııanyń tabystylyǵyn ózara is-qımyldyń deńgeıi aıqyndaıtynyn atap ótti. Taraptar keń aýqymdy máse­leler boıynsha baılanystardy keńeıtýge ózara múddelilik tanyt­ty. Olardyń qatarynda, qarjy, munaı-gaz jáne taý-ken ónerkásibi salalaryndaǵy, azyq-túlik ónimderi óndirisindegi, balamaly energetıkadaǵy jáne basqa da salalardaǵy yntymaqtastyqtar bar. Memlekettik hatshy atalǵan memleketter elshileriniń qyzmet­teri bizdiń elderimizdiń arasyn­daǵy yntymaqtastyq áleýetin arttyrýǵa yqpal etedi dep úmit­tenetinin aıtty. Memlekettik hatshymen eki­jaqty kezdesýden keıin atalǵan elderdiń elshileri Qazaqstanmen yntymaqtastyq baılanystar týraly BAQ ókilderine aıtyp berdi. Máselen, Kongo elshisi Eme Klovıs Gııon: «Qazirgi ýaqytta Kongo men Qazaqstan Respýblıkasy óz baılanystaryn jolǵa qoıyp otyr. Máselen, Kongo Astananyń EKSPO-2017 kórmesin ótkizýge kandıdatýrasyn qoldaǵan bolatyn. Sonymen qatar, biz Kongo Respýblıkasy Syrtqy ister mınıstriniń Qazaqstanǵa saparyna daıyndyq júrgizip jatyrmyz», – dedi. Onyń aıtýynsha, Kongo SIM basshysynyń elimizge sapary barysynda eki el arasyndaǵy baılanystardy jaqsartýǵa kúsh salynyp, bıznes qaýymdastyq qarym-qatynasyn jolǵa qoıý máseleleri qarastyrylady. «Osy sátti paıdalana otyryp, Qazaqstannyń bıznes qurylymdaryn Kongoǵa ınvestısııa salýǵa shaqyramyn», – dedi Eme Klovıs Gııon óz sózinde. El-Salvador Respýb­lı­kasynyń elshisi Klaýdııa Ivette Kanhýra de Senteno qos memleket arasyndaǵy dıplomatııalyq baılanystyń negizi 2014 jyldyń qańtarynda qalanǵanyn aıtyp ótti. «Men aldaǵy ýaqytta eki eldiń ózara yqpaldastyǵyna aıryqsha mán berip, aıryqsha nazarda ustaıtyn bolamyn. Bizdiń ekijaqty baılanystarymyz ózara senimge qurylyp, memleketterdiń damýy­na yqpal etedi dep oılaımyn»,– dese, Sýdan Respýblıkasynyń elshisi Omer Dahab Fadl Mo­ha­med aldaǵy eki eldiń arasynda ornatylǵan yqpaldastyqty jan­dandyrý baǵytynda úlken jumystar júrgiziletinin jetkizdi. «Qazaqstannyń Memlekettik hatshysymen kezdesý barysynda biz BUU, Afrıkalyq odaq, IYU syndy uıymdar aıasynda mem­le­ketterimizdiń ózara qarym-qaty­nastaryn damytý jóninde pikir almastyq. Kezdesý barysynda ekonomıkalyq yqpaldastyqty odan ári nyǵaıtý joldaryn da qarastyrdyq», – dedi Sýdan elshisi. Koreıa Halyqtyq-Demo­kra­tııalyq Respýblıkasynyń elshisi Kım Hen Chjýn qos memleket ara­synda burynnan dostyqqa negizdelgen, ózara senimdilikke qurylǵan áriptestik bar ekendigin jetkizdi. «Sondyqtan, men Memle­kettik hatshymen kezdesý barysynda aldaǵy ýaqytta osy baılanysty nyǵaıtyp qana qoımaı, onyń kókjıegin keńeıtý baǵytynda jumystar júrgiziletinine senim bil­dirdim», – dedi bul týraly KHDR elshisi. Venesýela elshisi Amenotem Zambrano Kontrares Qazaqstan Venesýela úshin senimdi seriktes ekenin atap óte kele, bolashaqta taraptar arasyndaǵy ekonomıkalyq baılanystardy bekemdeýge mán beriletinin jetkizse, Meksıka elshisi Marta Elena Barsena Mem­lekettik hatshy Gúlshara Ábiqa­ly­qovamen kezdesý kezinde ekono­mıkalyq, saýda baılanystary ǵana emes, mádenı yntymaqtastyq jaıy da sóz bolǵanyna toqtaldy. «Biz energetıka, munaı-gaz, salalarynda óz yntymaqtastyǵymyzdy júzege asyra bermekpiz. Qazaqstan – mıneraldy resýrstarǵa baı el. Al Meksıka – altyn men kúmis óndirýden aldyńǵy qatar­da turǵan memleketterdiń biri. Endeshe, biz bul baǵytta da árip­testik ornatatyn bolamyz. Meksıka men Qazaqstan ıadrolyq qarýdy taratpaý baǵytynda da jumystar júrgizbekshi. Demek, bulardyń barlyǵy qos memleket múddelilik tanytatyn máselerdiń kóp ekendigin ańǵartady», – dedi Meksıka elshisi. Láıla EDILQYZY, «Egemen Qazaqstan». Sýrette: G.Ábdiqalyqovaǵa Meksıka elshisi M.Barsenanyń Senim gramotasyn tapsyryp turǵan sáti.  Sýretti túsirgen Erlan OMAROV.