Joldar – Qazaqstan úshin ómir jelisi

Májiliste palata Spıkeri Qabıbolla Jaqypovtyń tóraǵalyǵymen ótken jalpy otyrysta depýtat Serikbaı Nurǵısaev Premer-Mınıstr Kárim Másimovke depýtattyq saýal joldady. Onda bylaı delinedi: «Jol – bizdiń táýelsiz mem­leketimiz úshin strategııalyq másele. Biz elimizdegi joldardy jańa tásildermen, jańasha jańǵyrtyp jatqan jurtpyz. Elbasy Joldaýynda «Joldar – Qazaqstan úshin ómir jelisi. Bizdiń keń-baıtaq jerimizde joldar boıynda árkezde de ómir paıda bolǵan jáne damyp otyrǵan», dep elimizdiń ınfraqurylymynyń ártúrli salalaryn damytýdy naqty atap ótken bolatyn. Elimizdegi avtomobıl jol­­­da­ryn salý, jóndeý jáne kútip-us­taýdy neǵurlym tıimdi basqarýǵa múmkindik beretin tetik retinde 2013 jyly «Qaz­AvtoJol» AQ jol­dardy bas­qarý isi boıynsha tolyqqandy qyz­metin Ulttyq operator negizinde júzege asyra bastady. Oblystardaǵy Qazaqstan Respýblıkasy Avtomobıl joldary komıtetiniń aýmaqtyq organdary taratylyp, onyń shtattary men mamandary Ulttyq ope­ratorǵa bekitip berildi. Sóı­tip, Ulttyq operatordyń fýnk­sııa­lary naqtylanyp, bilikti ma­mandardy tartý maqsa­tyn­da olardyń jalaqysy artty. «QazAvtoJol» AQ tıesili respýb­lıkalyq mańyzy bar avtomo­bıl joldary naryqtyń tala­byna jaýap bere alatyn, ınves­tısııa tarta alatyn, jańa teh­no­logııalardy ıgere alatyn sharýa­shylyq kózine aınala ­bastady. Qazirgi tańda Úkimet tarapynan daıyndalyp jatqan Elbasy Joldaýy aıasynda «Nurly Jol» baǵdarlamasyn júzege asyrýda 17 ınfraqurylymdyq jobany qamtıtyn Qazaqstannyń aýmaqtyq damýynyń habtyq júıesi engizilmekshi. Onyń 12-si – avtojol salasy. Jalpy «Nurly Jol – bola­shaqqa bastar jol» Jańa Eko­nomıkalyq Saıasatynyń jáne «Batys Eýropa – Batys Qy­taı» magıstraliniń aıasyn­da jumsalǵan qarajat kóz­deri ulttyq operatorǵa óz sep­tigin tı­gizip otyr. Al jergilik­ti ma­ńyzǵa ıe joldarǵa mun­daı qarajat tásilderi, árıne, qaras­tyrylmaǵan. Eli­mizdegi jer­­­gilikti mańyzǵa ıe joldardyń 37 paıyzy qanaǵat­­­­­tanar­lyq­syz deńgeıde. О́ńirler­diń jol salasy biryńǵaı júıede bolma­ǵandyqtan, bul jaıt tutastaı alǵanda, eldi me­kenderdiń áleýmettik-ekono­mı­kalyq damýyna tejeý jasap otyr. Oblystardaǵy eldi mekender joldarynyń tas jabyndysy bolmaýy saldarynan júk tasymaldaý shyǵyndary 2 esege deıin artqan. Sol sebepti, búginde ekinshi tehnıkalyq sanattaǵy oblystyq jáne aýdandyq ma­ńyzy bar avtomobıl joldaryn salý jáne qaıta jańartý jobalaryn iske asyrý zaman talaby bolyp otyr. Respýblıkanyń barlyq aýmaqtary boıynsha jergilikti mańyzǵa ıe 86 myń shaqyrym joldy qarjylandyrý qajet bolsa, qazirgi kezde bólinetin qarjy onyń tek 2,5 myń shaqyrymyn ǵana qamtıdy. Mundaı qarqyn­men biz ómirde jol salyp bit­­peımiz. О́ıtkeni, keıbir óńir­ler­de jergilikti bıýdjet esebi­nen joldardyń jaǵdaıyn jaq­sar­týǵa 10 mlrd. teńgege deıin qa­rajat baǵyttalsa, keıbir óńir­lerde múldem bólinbeıdi. «Nurly Jol» baǵdarlamasy bolǵanymen, avtomobıl joldary týraly memlekettik statıs­tıkalyq monıtorıng joq. Jaqynda ǵana ótken óńir­lerdegi oblys basshylarynyń el aldyndaǵy esebi kezinde halyqtyń basym kópshiliginiń janaıqaıy osy jol týraly ekenine kóz jetkizdim. Sondyqtan jergilikti bıýdjet kepil bola ala­tyndaı jalpyǵa ortaq paıda­lanylatyn avtomobıl joldaryn salý, rekonstrýksııalaý, onyń ishinde jergilikti mańyzǵa ıe jol­darǵa jańa tásil engizý, ınfra­qurylymyn damytýǵa arnal­­ǵan jańa tujyrymdamasyn ázir­­leý qajettiligi týyndap otyr. Sondaı-aq, avtomobıl joldary jónindegi statıstıkalyq, ákimshilik derekterdiń sapasyna baqylaýdy kúsheıtý qajet».