Turaqty keńes sheshimin joǵary baǵalady

EQYU-nyń Is basyndaǵy tór­aǵasy, Qazaqstan Respýblı­ka­synyń Memlekettik hatshysy – Syrtqy ister mınıstri Qanat Saý­dabaev keshe Uıymnyń Vena­daǵy Turaqty keńe­siniń Qyrǵyzstanǵa Polıseılik Konsýltatıvtik Topty joldaý týraly qabyldaǵan sheshimin joǵary baǵalady, dep habarlady SIM-niń baspasóz qyzmeti. “Qazaqstan basynan bastap, uıymnyń mandatyna sáıkes, EQYU-nyń Qyrǵyzstandaǵy jaǵ­daıdy retteýge barynsha tıim­di qaty­sýyn qoldaǵany belgili. Osy oraıda biz áýel bastan Qyr­ǵyz­stannyń Polıseılik Konsýl­ta­tıv­tik Topty joldaý týraly ótinishin qoldaǵan bolatynbyz. Men EQYU-nyń barlyq 56 múshe-memleketi kóregendik ta­nytyp, Qyrǵyzstanǵa polıseılik konsýltanttar jiberý jóninde kelisimge kelgenderine jáne biz­diń Venadaǵy ókiletti ókil­derimizdiń sheshimimen rásimdel­ge­nin shyn nıetimmen qoldaımyn. Polıseılik Konsýltatıvtik Top­­tyń jaqynda qantógis qaq­tyǵys­tardyń arenasyna aınalǵan aı­maq­tarda bolýy eldegi senimniń ar­týyna, turaqtylyqtyń ny­ǵaıýy­na jáne tártiptiń ornaýyna óz yqpa­lyn tıgizedi. Almatyda ót­ken EQYU mınıstrleriniń beı­resmı kezdesýinde Prezıdent Nursultan Na­zarbaev atap ót­ken­deı, Qazaq­stan aldaǵy ýaqytta da týystas Qyrǵyz eline EQYU tór­aǵasy retinde de, ekijaqty for­mat­ta da óz qoldaýyn kórsete ber­mek”, dep atap kórsetti Q.Saýdabaev. Ústimizdegi jyldyń 22 shil­desinde EQYU-nyń Turaqty keńesi Qyrǵyzstanǵa Polıseılik  Kon­sýl­tıvtik Topty shuǵyl túr­de jibe­rý týraly  sheshim qabyl­daǵany belgili. EQYU-nyń múshe mem­le­ketteriniń azamattary ishi­nen quqyq qorǵaý salasynyń ma­mandary arasyndaǵy jedel túrde ótken irikteýden keıin 52 adamnan turatyn birinshi top shamamen tórt aıǵa jiberiletin bolady. Qyrǵyzstannyń úkimeti men EQYU-nyń Turaqty keńesiniń sheshimi boıynsha mıssııanyń mer­zimi, sonymen qatar qatysý­shy­lardyń sany kóbeıýi múmkin. 17 shildede Almatyda ótken EQYU-nyń syrtqy ister mı­nıstrleriniń beıresmı kez­de­sýi­niń sońynda Qyrǵyzstanǵa Po­lıseılik  Konsýltıvtik Topty jiberý tý­ra­ly múshe memleketter arasynda ke­lisimge qol jetkizil­geni týraly habarlanǵan bolatyn.