QOSTANAI. 10 naýryz. Qostanaı oblysy Lısakov qalalyq soty Shakalov degen azamatty «alaıaqtyq» babymen jaza kesti. Jurtty san soqtyrǵan ol endi 8,5 jylyn temir tordyń ar jaǵynda óteıtin boldy. Bul týraly alau.kz habarlady.
Alaıaqtyń isi boıynsha 6 adam jábir kórgen. Ol 20 mln.-nan astam teńge aqsha jymqyrǵan. 2013 jyldyń naýryzynan bastap, jeke kásipker eshqandaı jyljymaıtyn múlikke qujatty kelisim rásimdemegen, onyń esesine óziniń qyzmetkerleri arqyly tutas qylmystyq syzba boıynsha jumys istegen.
Jaǵdaıy myqty satyp alýshylardyń senimine kire otyryp, olardan páter baǵasynyń úshten birin talap etip otyrǵan. О́ziniń múmkindiginiń joǵyn bile tura, olarǵa páterdi saýda arqyly alyp beretinine sendirgen. 2013 jyldyń 11 naýryzynan 2014 jyldyń 31 qańtaryna deıin aldanǵandar oǵan 20 870 000 teńge kepilge aqsha bergen. Alaıda, aıyptalýshy sotta óziniń kinásin moıyndaǵan joq, barlyǵy da quqyqtyq-zańdyq turǵyda júzege asqanyn aıtty. Ol kinásin moıyndamaǵanymen, sot eaza taǵaıyndady.
Názıra Járimbetova.
Derek, sýret: alau.kz.