ShYMKENT. 10 naýryz. Búgin Ońtústik Qazaqstan oblysynda kenetten japalaqtap qar jaýyp ketti. Bul týraly egemen.kz tilshisi habarlady.
Tún ortasy aýa bastalǵan aq qar sebezgisi kópke deıin tolas tapqan joq. Qazir jerge tobyqtan asatyn qar túsip qaldy.
«Qazgıdromettiń» málimetterine qaraǵanda, qardyń qalyńdyǵy 12 santımetrge jetken. «11 naýryzda aýa temperatýrasy 0-den - 5 aralyǵynda aýytqýy múmkin. Keı aýdandarda túnde 8-10 gradýs aıaz kútilýde», - deıdi ınjener-sınoptık M. Tóleńgitov.
Tabıǵattyń tosyn minezi baý-baqsha ósirýshilerdiń alańdaýshylyǵyn týdyrdy. Aǵash búrshik jaryp, gúldep jatqan órikter qar astynda qaldy. Degenmen sınoptıkter 12-13 naýryzda kún jylyna bastaıtynyn aıtady. Osy jyly naýryz 2014 jylǵa qaraǵanda, salqyn bolady.
Baqtııar Taıjan.
Derek, sýret: QazAqparat.