ASTANA. 2 sáýir. Elbasy Batys Qazaqstan oblysyna sapary barysynda «Oral «Zenıt» zaýyty» aksıonerlik qoǵamynda boldy. Memleket basshysy ol jerde katerler men kemelerdiń maketteri qoıylǵan kórmeni aralap kórdi. Bul týraly Aqordanyń baspasóz qyzmetine súıenip egemen.kz habarlady.
Zaýytqa kelgen Nursultan Nazarbaev eńbek ujymymen kezdesti. Memleket basshysy keme jasaý otandyq ekonomıkadaǵy jańa sala ekenin, onyń shyǵaratyn ónimine naryqta suranys baryn aıtty. Qazaqstan Prezıdenti ındýstrııalyq-ınnovasııalyq damý osyndaı kásiporyndarǵa arqa súıeıtinine nazar aýdardy.
Áńgime barysynda zaýyt jumysshylary elde júzege asyrylyp jatqan baǵdarlamalarǵa qoldaý bildire otyryp, óz tabystary týraly baıandady.
Kásiporyn arnaýly tehnıka, munaı-gaz salasy úshin jabdyqtalǵan kater jáne kemeler sııaqty ónimder shyǵarady. Zaýyt tehnologııalyq úderisterdiń keń aýqymyn qajet etetin konstrýksııasy kúrdeli ári qıyn buıymdar jasaýǵa baǵyttalǵan.
Elaman Qońyr.
Derek: egemen.kz.
Sýret: inform.kz.