ASTANA. 10 naýryz. Qaraǵandy oblysy Balqash qalasynda 8-synypta oqıtyn úsh oqýshy lańkestikke qatysty jalǵan aqparat taratqan úshin ustaldy. Bul týraly gazeta.kz habarlady.
Polısııanyń habarlaýynsha, 6 naýryz kúni 101 nómirine Balqash mektepteriniń birinde jarylǵysh zat qoıylǵany jaıynda habarlama túsken. Osydan keıin oqıǵa ornyna quqyq qorǵaý organdary men arnaıy qutqarý qyzmeti mamandary shuǵyl barǵan. Tekserý qorytyndysy boıynsha, mektepten jarylǵysh zat tabylmaǵan.
«Jedel izdestirý sharasy qolǵa alynyp, polısııa qyzmetkerleri osy mektepte 8-synypta oqıtyn úsh oqýshyny anyqtady. Kinálilerdiń aıtýynsha, olar osylaı ázildegisi kelgen», delingen habarlamada.
Terrorlyq akti týraly jalǵan aqparat taratqany úshin oqýshylarǵa qatysty sotqa deıingi tergeý amaldary júrgizilip jatyr.
Joldybaı Bazar.
Derek, sýret: gazeta.kz.