ASTANA. 10 naýryz. Anglııanyń «Manchester Iýnaıtedinde» oınaıtyn jas fýtbolshy Adnan Iаnýzaı bıylǵy maýsymda súreńsiz óner kórsetýde. О́tken maýsymda jarq etip kózge túsken ol búginde sol kezdegi oıyn órnegin taba almaı keledi. Bul týraly egemen.kz habarlady.
Tipti maýsym bastalǵaly barlyǵy 19 oıyn ótkizip, birde bir ret nátıjeli soqqy jasamaǵan. Esesine, alǵan eskertýleriniń sany kóbeıýde. Sonyń nátıjesinde, qazir fýtbolshynyń «MIý» úshin soqqan golynan sary qaǵazy kóp. Sońǵy eskertýin ótken túnde Anglııa kýbogynyń shırek fınalynda aldy. Sol oıynda manchesterlikter Londonnyń «Arsenalymen» kúsh synasyp, 1:2 esebimen jeńilip qaldy. Iаnýzaı matchtyń 73-mınýtynda oıynǵa qosyldy. Alańǵa shyqqanyna 14 mınýt ótken kezde tóreshi jas fýtbolshyny sımýlıasııa úshin sary qaǵazben «marapattady». Bul onyń «Manchester Iýnaıted» sapyndaǵy besinshi eskertýi. Al Iаnýzaıdyń osy komandada júrip soqqan goldarynyń sany tórteý. Barlyǵyn da ótken maýsymda soqqanyn aıta keteıik.
Adnan Iаnýzaı 1995 jyly Belgııada týǵan fýtbolshy. Tegi albanııalyq ol týǵan eliniń ulttyq quramasyn tańdady. Búginge deıin Belgııa quramasy úshin bes oıyn ótkizip úlgergen. Iаnýzaıdyń aty fýtbol álemine 2013-2014 jylǵy maýsymda keńinen tanymal boldy. Sol kezde jas fýtbolshy «MIý» sapynda jasyndaı jarqyldap, kópshiliktiń nazaryna ilikken edi. Tipti belgili komandalar qyzyǵýshylyq tanytqanda «Manchester Iýnaıted» «ózimizge kerek» dep satpaı qoıǵan. Alaıda, búginde alǵashqy qarqynyn joǵaltyp alǵan ol jankúıerler senimin aqtaı almaı keledi.
Elaman Qońyr.
Derek: egemen.kz.
Sýret: eurosport.ru.