2014 jylǵy 26 jeltoqsan, Astana qalasy
Qaýipti óndiristik obekti qaýiptiliginiń jalpy deńgeıin aıqyndaý qaǵıdalaryn bekitý týraly
«Azamattyq qorǵaý týraly» 2014 jylǵy 11 sáýirdegi Qazaqstan Respýblıkasy Zańynyń 12-2-babynynyń 15) tarmaqshasyna sáıkes buıyramyn:
1. Qosa berilip otyrǵan Qaýipti óndiristik obekti qaýiptiliginiń jalpy deńgeıin aıqyndaý qaǵıdalary bekitilsin.
2. Qazaqstan Respýblıkasy Investısııalar jáne damý mınıstrliginiń Indýstrııalyq damý jáne ónerkásiptik qaýipsizdik komıteti (A.Q.Erjanov):
1) zańnamada belgilengen tártippen osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmelerin buqaralyq aqparat quraldarynda jáne «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornynyń «Ádilet» aqparattyq quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ınternet-portalynda ornalastyrýdy;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Investısııalar jáne damý vıse-mınıstri A.P.Raýǵa júktelsin.
4. Osy buıryq onyń alǵash resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Investısııalar jáne
damý mınıstriniń mindetin atqarýshy J.QASYMBEK.
«KELISILDI»
Qazaqstan Respýblıkasynyń
Densaýlyq saqtaý jáne áleýmettik damý mınıstri
________________ T.DÚISENOVA
2015 jylǵy 14 qańtar
«KELISILDI»
Qazaqstan Respýblıkasynyń Ulttyq ekonomıka mınıstri
________________ E.DOSAEV
2015 jylǵy 15 qańtar
«KELISILDI»
Qazaqstan Respýblıkasynyń Energetıka mınıstri
________________ V.ShKOLNIK
2015 jylǵy 12 qańtar
Qazaqstan Respýblıkasy Investısııalar jáne damý mınıstri mindetin atqarýshynyń 2014 jylǵy 26 jeltoqsandaǵy № 300 buıryǵymen bekitilgen
Qaýipti óndiristik obektiniń jalpy qaýiptilik deńgeıin
aıqyndaý qaǵıdalary
1. Jalpy erejeler
1. Osy Qaýipti óndiristik obektiniń jalpy qaýiptilik deńgeıin aıqyndaý qaǵıdalary (budan ári – Qaǵıdalar) «Azamattyq qorǵaý týraly» 2014 jylǵy 11 sáýirdegi Qazaqstan Respýblıkasy Zańynyń 12-2-babynyń 15) tarmaqshasyna sáıkes ázirlendi jáne qaýipti óndiristik obektiniń jalpy qaýiptilik deńgeıin aıqyndaý tártibin belgileıdi.
2. Qaýipti óndiristik obektiniń jalpy qaýiptilik deńgeıin aıqyndaý qaýipti óndiristik obektiniń laýazymdy tulǵasy jáne ónerkásiptik qaýipsizdik salasyndaǵy ýákiletti organnyń aýmaqtyq bólimshesi júzege asyratyn ónerkásiptik qaýipsizdik monıtorıngi jolymen qaýipti óndiristik faktorlardyń zııandy áserinen jeke jáne zańdy tulǵalardyń, qorshaǵan ortanyń qorǵalýynyń jaǵdaıyn baǵalaý maqsatynda júrgiziledi.
3. Osy Qaǵıdalarda azamattyq qorǵaý salasynda zańnamada belgilengen termınder jáne anyqtamalar, sondaı-aq tıisti anyqtamalary bar mynadaı termınder qoldanylady:
1) jalpy qaýiptilik deńgeıi – qaýipti óndiristik obektidegi ónerkásiptik qaýipsizdik jaǵdaıynyń keshendi kórsetkishi;
2) jumysqa qabiletsiz (avarııalyq) jaǵdaı – óndiristik ǵımarattar men tehnologııalyq qurylystar qurylymynyń tirektik qabiletiniń joǵalýy týraly kýálandyratyn, al sharalar qabyldanbaǵan jaǵdaıda buzylýǵa alyp keletin tehnıkalyq jaǵdaıy;
3) jumysqa qabiletti jaǵdaı – ónerkásiptik qaýipsizdik talaptaryn qanaǵattandyratyn óndiristik ǵımarattar men tehnologııalyq qurylystar konstrýksııalarynyń tehnıkalyq jaı-kúıi;
4) óndiristegi jazataıym oqıǵa – óziniń eńbek (qyzmettik) mindetterin nemese jumys berýshiniń tapsyrmalaryn oryndaý kezinde qaýipti óndiristik obektilerdegi avarııalar, oqys oqıǵalar kezinde týyndaıtyn, nátıjesinde qyzmetkerdiń óndiristik jaraqat alǵan, densaýlyǵynyń kúrt tómendegen nemese ýlanǵan, ýaqytsha nemese múldem eńbek qabiletinen aıyrylýyna ne qaza bolýyna alyp keletin qaýipti óndiristik faktorlardyń qyzmetkerge zııandy áser etýi;
5) óndiristik ǵımarat - tuıyqtalǵan kólem túzetin tirektik jáne qorshaý nemese biriktirilgen (tirektik jáne qorshaý) konstrýksııalardan turatyn, ónerkásiptik óndiristerdi ornalastyrýǵa, adamdardyń eńbek etýi men tehnologııalyq jabdyqtardyń, qaýipti tehnıkalyq qurylǵylardyń paıdalanylýy úshin qajetti jaǵdaılardy qamtamasyz etýge arnalǵan qurylys júıesi;
6) tehnologııalyq qurylys – tirektik, al jekelegen jaǵdaılarda qorshaý konstrýksııalarynan turatyn jáne ár túrli óndiristik prosesterdi oryndaýǵa, materıaldardy, buıymdardy, jabdyqtardy saqtaýǵa, adamdardyń ýaqytsha bolýyna, adamdar men júkterdiń oryn aýystyrýyna arnalǵan kólemdi, jazyq nemese jer ústi jelilik nemese jer asty qurylys júıesi;
7) qaýipti tehnıkalyq qurylǵylar:
olardy baqylaýdy ónerkásiptik qaýipsizdik salasyndaǵy ýákiletti organ júzege asyratyn, qaýipti óndiristik obektilerde paıdalanylatyn 0,07 megaPaskaldan asa qysymmen nemese sýdyń 115 gradýs Selsııden asa qaınaý temperatýrasy kezinde jumys isteıtin tehnıkalyq qurylǵylar júk kótergish mehanızmder, eskalatorlar, fýnıkýlerler, lıftiler;
olardy baqylaýdy jergilikti atqarýshy organdar júzege asyratyn turǵyn úı-kommýnaldyq sharýashylyq obektileriniń 0,07 megaPaskaldan astam qysymmen jáne (nemese) 115 Selsıı gradýstan asatyn sýdyń qaınaý temperatýrasy kezinde jumys isteıtin bý jáne sý jylytý qazandyqtary (jylýmen jabdyqtaý uıymdary), 0,07 megaPaskaldan astam qysymmen jumys isteıtin ydystar, júk kótergish mehanızmder, eskalatorlar, aspaly joldar, fýnıkýlerler, lıftiler.
2. Jalpy qaýiptilik deńgeıin aıqyndaý tártibi
4. Jalpy qaýiptilik deńgeıi qaýipti óndiristik obektiler úshin aıqyndalady.
5. Qaýipti óndiristik obektiniń jalpy qaýiptilik deńgeıi osy qaýipti óndiristik obektiniń qaýipti óndiristik faktorlarynyń zııandy áserinen jeke jáne zańdy tulǵalardyń, qorshaǵan ortanyń qorǵalýynyń jaı-kúıin sıpattaıdy.
Qaýipti óndiristik obektiniń qaýiptilik deńgeıin aıqyndaý mynadaı kórsetkishter boıynsha júzege asyrylady:
1) óndiristik ǵımarattardyń, tehnologııalyq qurylystardyń jaı-kúıi;
2) tehnıkalyq qurylǵylardyń jaı-kúıi;
3) qaýipti tehnıkalyq qurylǵylardyń jaı-kúıi;
4) oryn alǵan avarııalar;
5) oryn alǵan oqys oqıǵalar;
6) óndiristegi jazataıym oqıǵalardyń jıiligi;
7) sońy ólimge alyp kelgen óndiriste bolǵan jazataıym oqıǵalar.
6. Qaýipti óndiristik obektiniń jalpy qaýiptilik deńgeıin qaýipti óndiristik obektini paıdalanatyn uıym esepteý ádisimen jylyna bir ret aıqyndaıdy:
1) Kǵq – qaýipti óndiristik obektilerdiń óndiristik ǵımarattarynyń, tehnologııalyq qurylystarynyń jaı-kúıi kórsetkishi mynadaı formýla boıynsha aıqyndalady:
Kǵq=(n1-n2)/n3
munda: n1 – jumysqa qabiletsiz (avarııalyq) jaı-kúıdegi nemese eseptik jyl basyna 50%-dan astam tozyǵy bar óndiristik ǵımarattardyń, tehnologııalyq qurylystardyń sany;
n2 – eseptik jyl sońyna konstrýksııalarynyń jumysqa qabilettiligi qalpyna keltirilgen óndiristik ǵımarattar men tehnologııalyq qurylystar sany;
n3 – qaýipti óndiristik obektiniń óndiristik ǵımarattarynyń, tehnologııalyq qurylystarynyń jalpy sany.
2) Ktq – tehnıkalyq qurylǵylardyń jaı-kúıi kórsetkishi mynadaı formýla boıynsha aıqyndalady:
Ktq=(n4-n5)/n6
munda: n4– eseptik jyl basyna daıyndaýshy zaýyt belgilegen normatıvtik qyzmet (paıdalaný) merzimin ótegen tehnıkalyq qurylǵylar sany;
n5 – eseptik jyl sońyna óziniń normatıvtik qyzmet merzimin ótegender ishinen aýystyrylǵan tehnıkalyq qurylǵylar sany;
n6 – uıym esebinde turǵan tehnıkalyq qurylǵylardyń jalpy sany.
3) Kqtq – qaýipti tehnıkalyq qurylǵylardyń jaı-kúıiniń kórsetkishi mynadaı formýla boıynsha aıqyndalady:
Kqtq=(n7-n8)/n9
munda n7 – eseptik jyl basyna normatıvtik qyzmet merzimin ótegen qaýipti tehnıkalyq qurylǵylar sany;
n8 – eseptik jyl sońyna qyzmet merzimin uzartýǵa arnaıy tekserýden ótken, tehnıkalyq kýálandyrýdyń (gıdravlıkalyq synaý, tolyq tehnıkalyq kýálandyrý) oń nátıjeleri jáne budan ári qaýipsiz paıdalaný múmkindigi týraly saraptama uıymynyń qorytyndysy bar qaýipti tehnıkalyq qurylǵylar sany;
n9 – uıym esebinde turǵan qaýipti tehnıalyq qurylǵylardyń jalpy sany.
4) Ka – oryn alǵan avarııalar kórsetkishi mynadaı formýla boıynsha aıqyndalady:
Ka=n10/10
munda: n10 – aǵymdaǵy jyl ishinde qaýipti óndiristik obektide oryn alǵan avarııalar sany.
5) Kı – oryn alǵan oqys oqıǵalar kórsetkishi mynadaı formýla boıynsha aıqyndalady:
Kı=n11/100
munda: n11 – jekelegen tehnologııalyq jelilerdiń nemese tehnologııalardyń 6 saǵattan astam ýaqytqa jumys istemeı turýyna alyp kelgen, eseptik jyl ishinde qaýipti óndiristik obektide oryn alǵan oqys oqıǵalar sany.
6) Kjo – óndiristegi jazataıym oqıǵalar jıiliginiń kórsetkishi mynadaı formýla boıynsha aıqyndalady:
Kjo = n12/N
munda: n12 – avarııa (oqys oqıǵa) nátıjesinde aǵymdaǵy jyl ishinde qaýipti óndiristik obektide oryn alǵan óndiristegi jazataıym oqıǵalar sany;
N – jyl ishindegi qaýipti óndiristik obektiniń tehnologııalyq personalynyń ortasha tizimdik sany.
7) sońy ólimge alyp kelgen óndiriste oryn alǵan jazataıym oqıǵalar kórsetkishi mynadaı formýla boıynsha aıqyndalady:
Kqb = n13/10
munda: n13 – qaýipti óndiristik obektide avarııa (oqys oqıǵa) nátıjesinde oryn alǵan jyl ishindegi sońy ólimge alyp kelgen óndiristegi jazataıym oqıǵalar sany.
8) obektiniń jalpy qaýiptilik deńgeıi mynadaı formýla boıynsha aıqyndalady:
Dqaýipt = Kǵq + Ktq + Kqtq + Ka + Kı + Kjo + Kqb.
7. Qaýipti óndiristik obektiniń jalpy qaýiptilik deńgeıi boıynsha aqparatty qaýipti óndiristik obektini paıdalanatyn uıym osy Qaǵıdalarǵa qosymshaǵa sáıkes nysan boıynsha ónerkásiptik qaýipsizdik salasyndaǵy ýákiletti organnyń aýmaqtyq bólimshesine eseptik jyldan keıingi 15 qańtardan keshiktirmeı usynady.
Qaýipti óndiristik obektiniń jalpy qaýiptilik deńgeıin aıqyndaý qaǵıdalaryna qosymsha
20__ jyl úshin qaýipti óndiristik obektiniń jalpy qaýiptilik deńgeıi boıynsha aqparat
Uıym _____________________________________________________________
Obektiniń ataýy ___________________________________________________
Meken jaıy _______________________________________________________
Jaýapty oryndaýshynyń T.A.Á. (telefon, faks, e-mail)__________________
№ r/s Kórsetkish Eseptik kezeń ishinde
1. Kǵq – óndiristik ǵımarattardyń, tehnologııalyq qurylystardyń jaı-kúıi, onyń ishinde:
n1 – jumysqa qabiletsiz (avarııalyq) jaı-kúıdegi nemese eseptik jyl basyna 50%-dan astam tozyǵy bar óndiristik ǵımarattardyń, tehnologııalyq qurylystardyń sany
n2 – eseptik jyl sońyna konstrýksııalarynyń jumysqa qabilettiligi qalpyna keltirilgen óndiristik ǵımarattar men tehnologııalyq qurylystar sany
n3 – qaýipti óndiristik obektiniń óndiristik ǵımarattarynyń, tehnologııalyq qurylystarynyń jalpy sany
2. Ktq – tehnıkalyq qurylǵylardyń jaı-kúıi, onyń ishinde:
n4 – eseptik jyl basyna daıyndaýshy zaýyt belgilegen normatıvtik qyzmet (paıdalaný) merzimin ótegen tehnıkalyq qurylǵylar sany
n5 – eseptik jyl sońyna óziniń normatıvtik qyzmet merzimin ótegender ishinen aýystyrylǵan tehnıkalyq qurylǵylar sany
n6 – uıym esebinde turǵan tehnıkalyq qurylǵylardyń jalpy sany
3. Kqtq – qaýipti tehnıkalyq qurylǵylardyń jaı-kúıi, onyń ishinde:
n7 – eseptik jyl basyna normatıvtik qyzmet merzimin ótegen qaýipti tehnıkalyq qurylǵylar sany
n8 – eseptik jyl sońyna qyzmet merzimin uzartýǵa arnaıy tekserýden ótken, tehnıkalyq kýálandyrýdyń (gıdravlıkalyq synaý, tolyq tehnıkalyq kýálandyrý) oń nátıjeleri jáne budan ári qaýipsiz paıdalaný múmkindigi týraly saraptama uıymynyń qorytyndysy bar qaýipti tehnıkalyq qurylǵylar sany
n9 – uıym esebinde turǵan qaýipti tehnıalyq qurylǵylardyń jalpy sany
4. Ka – oryn alǵan avarııalar, onyń ishinde:
n10 – aǵymdaǵy jyl ishinde qaýipti óndiristik obektide oryn alǵan avarııalar sany
5. Kı – oryn alǵan oqys oqıǵalar, onyń ishinde:
n11 – jekelegen tehnologııalyq jelilerdiń nemese tehnologııalardyń 6 saǵattan astam ýaqytqa jumys istemeı turýyna alyp kelgen, eseptik jyl ishinde qaýipti óndiristik obektide oryn alǵan oqys oqıǵalar sany
6. Kjo – óndiristegi jazataıym oqıǵalardyń jıiligi, onyń ishinde:
n12 – avarııa (oqys oqıǵa) nátıjesinde aǵymdaǵy jyl ishinde qaýipti óndiristik obektide oryn alǵan óndiristegi jazataıym oqıǵalar sany
7. Kqb – sońy ólimge alyp kelgen óndiriste oryn alǵan jazataıym oqıǵalar, onyń ishinde:
n13 – qaýipti óndiristik obektide avarııa (oqys oqıǵa) nátıjesinde oryn alǵan jyl ishindegi sońy ólimge alyp kelgen óndiristegi jazataıym oqıǵalar sany
8. Dqaýipt – obektiniń jalpy qaýiptilik deńgeıi
_____________ ___________________
(qoly) (basshynyń T.A.Á.)
Buıryq Qazaqstan Respýblıkasynyń Ádilet mınıstrliginde 2015 jylǵy 12 aqpandaǵy Normatıvtik quqyqtyq kesimderdi memlekettik tirkeýdiń tizilimine №10242 bolyp engizildi.