Ulttyq komıssııalar –utymdy qozǵaýshy kúsh

Jańǵyrtý jónindegi ulttyq komıssııa qyzmetiniń aldyn ala qorytyndylaryna arnalǵan keńes ótti, dep habarlady Prezıdenttiń baspasóz qyzmeti. Keńeste 5 ınstıtýttyq reformany júzege asyrýdyń negizgi baǵyttary qaraldy. Elbasy Nursultan Nazarbaev tıisti zań jobalaryn Par­la­ment­tiń kúzgi sessııasy bastal­ǵanǵa deıin qaraýǵa engizý úshin jan-jaqty pysyqtaýdyń mańyz­dylyǵyn atap ótti. Memlekettik apparat refor­masynyń basty nátıjesi onyń ju­mys tıimdiligin arttyrý, kadr saıa­satynda merıtokratııa tetik­terin engizý bolýǵa tıis. Memleket basshysy sybaı­las jemqorlyqtyń aldyn alý­ǵa yqpal etetin ilkimdi faktor retinde memlekettik qyzmet­shi­lerdiń moraldyq bet-beınesi men etıkasyna aıryqsha kóńil ból­gen jón ekenin aıtty. Sony­men qatar, sot júıesiniń ıns­tansııalaryn ońtaılandyrý, sýdıalar korpýsyna úmitkerlerge qoıylatyn talapty qataıtý, alqa bıler sotyn qoldaný salasynyń aıa­syn keńeıtý jónindegi sharalar talqylandy. Memleket basshy­sy álemdik tájirıbeni dáıek­ti túrde zerdeleýdi jáne Asta­nada halyqaralyq arbıtraj orta­lyǵyn qurý úshin qajetti sharalar keshenin ázirleýdi tapsyrdy. Ulttyq komıssııa, sondaı-aq, respýblıkada ınvestısııalyq tar­tymdylyqty arttyrý men zań ús­temdigin qamtamasyz etý arqy­ly qolaıly bıznes ahýalyn qalyp­tastyrý máselelerin de talqy­lady. Qazaqstan Prezıdenti mem­le­kettiń tabysty damýyna sa­ralanǵan jáne tıimdi ekono­mı­ka­lyq saıasat negiz bolatynyna nazar aýdardy.  Elde ekonomıkalyq ósimdi qamtamasyz etý úshin birqatar aýqymdy sharalar júzege asyrylyp jatqany atap ótildi. Atap aıtqanda, negizgi memlekettik baǵ­darlamalar – ın­dýstrııalyq-ınno­vasııalyq damý jáne «Nurly Jol» el azamat­tarynyń ál-aýqa­tyn arttyrýǵa jáne turmys jaǵ­­daılaryn jaq­sartýǵa ba­ǵyttalǵan. Nursultan Nazarbaev salyq, tarıf, ınvestısııa salalarynda jasalyp jatqan qadamdarǵa jan-jaqty qoldaý kórsetý qajet­tigin, bul olardyń damý baǵy­tyn túbegeıli ózgertýi tıisti­gin aıtty. Memleket basshysy ekonomıkanyń ornyqty ósýi­niń negizgi kózi bolyp tabylatyn shaǵyn jáne orta bızneske qajet­ti jaǵdaı jasaý máselesine aıryq­sha kóńil aýdardy. Qazaqstan Prezıdenti bola­shaǵy birtutas ult qalyptastyrý aıasynda halqymyzdyń dástúrli qundylyqtaryn ilgeriletýge aıryqsha oryn beriletinin aıtty. Sonymen qatar, eldi halyqaralyq qoǵamdastyqqa tanytý ju­­mys­­taryn odan ári jalǵastyrý da mań­yzdy. Memleket basshysy Qa­zaqstannyń zor týrıstik áleýe­­tin júzege asyrýdyń, tıisti ınfra­qu­rylymdar jasaýdyń, sapaly jobalar ázirleýdiń mańyz­dylyǵyn atap ótti. Transparentti jáne esep berýshi memleket qurý negizgi re­formalardyń biri bolyp sanalady. Qazaqstan Prezıdenti memlekettik bıliktiń ashyqtyǵyn qamtamasyz etý, onyń halyqpen ózara is-qımyl qaǵıdattaryn azamat­tardyń muqtajdyqtaryn qanaǵat­tandyrý máselesine meı­linshe kásibı turǵydan qaraýdy qamtamasyz etý úshin qaıta qalyptaý qajettiligin aıtty. Qazaqstan Prezıdenti 5 reforma jáne Ult jospary «100 naqty qadamdy» júzege asyrý jónindegi barlyq jumys ony buqa­ralyq aqparat quraldarynda turaq­ty túrde túsindirý jáne jarııa­lap-kórsetý isimen qatar júrýi tıistigin atap kórsetti. Nursultan Nazar­baev atap ótkendeı, refor­ma­lar árbir azamatty qamtı­tyn­dyqtan, jurt eldiń qandaı ba­ǵytta damyp jatqanyn bilýi jáne oǵan belsene qatysýy tıis. Sonymen qatar, Memleket basshysy sarapshylyq qoǵamdastyq, azamattyq ınstıtýttar qazirdiń ózinde talqylaýlar men pikir­ta­lastar arqyly Ult josparyn jú­zege asyrý máselesine syndarly usynymdar men usynystar engizýi tıis. Prezıdenttiń pikirinshe, mun­daı jumysty ortalyqta ǵana emes, óńirlerde de júrgizgen jón. Keńes barysynda jumys toptarynyń músheleri Ulttyq komıssııanyń qazirgi qyzmeti týraly baıandama jasady. Memleket basshysy keńes qorytyndysy boıynsha birqatar naqty tapsyrma berdi.