QARAǴANDY. 28 tamyz. Qaraǵandy oblystyq ákimdiginde Kanada delegasııasymen kezdesý ótip, Alberta provınsııasy men oblys arasynda etti iri qara mal sharýashylyǵyn damytý jóninde kelisimge qol jetkizildi. Bul týraly oblys ákimdiginiń baspasóz qyzmeti habarlady.
Kanadalyq bıznesmender ózderiniń múmkindikteri týraly aıtyp, TMD elderinde birikken kásiporyndar qurǵanda jınaqtaǵan tájirıbelerimen bólisti. Sonymen qatar, qaraǵandylyqtar Kanadada jyl saıyn ótetin Farmfair International jármeńkesine shaqyrtý aldy. Budan bólek, qonaqtar Alberta provınsııasynda taza tuqymdy mal ósirýmen aınalysatyn fermalardy kórip qaıtýǵa shaqyrdy.
Alberta provınsııasynda Kanadaǵa tıesili múıizdi iri qaranyń 40 paıyz ósiriledi eken. Al jyl saıyn qarasha aıynda ótetin halyqaralyq Farmfair International jármeńkesin 90 myńnan astam adam kelip tamashalaıtyn kórinedi.
Qaırat Ábildınov.
Derek pen sýret: Qaraǵandy oblysy ákiminiń baspasóz qyzmeti.