ASTANA. 3 sáýir. Kenııanyń Garıssa qalasyndaǵy ýnıversıtetke «Ash-Shabab» tobyrynyń shabýyly kezinde kem degende 70 adam qaza taýyp, 79 adam jaraqat aldy. Bul týraly Reuters málimetine súıengen RIA «Novostı» habarlady.
Budan aldyn 15 adamnyń opat bolyp, 65 adamnyń zardap shekkenderi aıtylyp edi.
Kenııanyń apattar zardaptaryn joıý jónindegi ortalyǵy óziniń Twitter-degi resmı akkaýntynda arnaıy qyzmettiń shabýyl kezinde kepilge alynǵan 500-den astam stýdentti qutqara alǵanyn málimdedi.
Sondaı-aq bıliktiń eldiń Somalımen shektes Tana, Garıssa, Vadjıra jáne Mandera dep atalatyn 4 okrýginde komendanttyq saǵat engizý týraly sheshim qabyldaǵany aıtylyp otyr. Komendanttyq saǵat sáýirdiń 16-syna deıin 18:30-dan 6:30-ǵa deıin kúshinde bolady.
Kenııa ishki ister mınıstri budan buryn aranıy qyzmet oryndarynyń ýnıversıtetke shabýyl jasaǵan eki torrroshyny joıǵanyn málimdegen bolatyn.
Kenııa bıligi Garıssa qalasyndaǵy ýnıversıtetke shabýyl jasaýdaǵy basty kúdikti bolyp sanalyp otyrǵan Mohamed Mohamýd (Mohamed Mohamud) jóninde aqpar úshin 215 myń dollar kóleminde syıaqy belgiledi. Bılik ony kórgenderdiń bárine bul týraly quqyq qorǵaý organdaryna habarlaýdy ótinedi.
Jergilikti Daily Nation basylymy Kenııa ishki ister mınıstrligine silteme jasaı otyryp,
Kúdikti sodyrlardyń biriniń oqıǵa bolǵan jerden qashyp ketpek bolǵan kezinde qolǵa túskenin jetkizdi. BAQ-tardyń málimeti boıynsha, sodyrlar stýdentterdi dinı erekshelikterine qaraı bólip, kepildikke alǵan da, sońynan 15 musylmandy bosatyp qoıa bergen.
Murat Aıtqoja.
Mánbe, sýret: RIA Novostı.