KО́KShETAÝ. 28 tamyz. Kókshetaýda «Qazaqstannyń úzdik taýary» baıqaýynyń óńirlik jeńimpazdary anyqtaldy. Bul týraly egemen.kz tilshisi habarlady.
Baıqaý jeńimpazdaryn búgin «Kókshetaý» mádenıet saraıynda ótken QR Konstıtýsııasynyń 20 jyldyǵyn merekeleýge arnalǵan saltanatty jıyn barysynda oblys ákimi Sergeı Kýlagın marapattady.
Oǵan oblystyń ár óńirinen jınalǵan 18 kásiporyn men jeke kásipkerler qatysty. Baıqaý jeńimpazdary «О́ndiristik maqsattaǵy úzdik taýarlar», «Halyqqa arnalǵan úzdik taýarlar» jáne «Eń úzdik azyq-túlik taýarlary» atalymdary boıynsha anyqtaldy.
«О́ndiristik maqsattaǵy úzdik taýarlar» atalymy boıynsha «Enkı» JShS-niń dırektory Nurıdın Sampıev, «Halyqqa arnalǵan úzdik taýarlar» atalymy boıynsha «Turmystyq hımııa zaýyty» JShS-niń dırektory Rınat Kýrmaev jáne «Eń úzdik azyq-túlik taýarlary» atalymy boıynsha «Rodına» Agrofırmasy» JShS-niń dırektory Ivan Saýer 150 myń teńgeniń sertıfıkatyna ıe boldy.
Sondaı-aq, «Aqmola Fenıks», «Shýche jylý qazandyǵy-mehanıkalyq zaýyty», «Sochınskoe», «Capital Project LTD», «Sapa sý», «Krasnoıar shujyǵy», «Kúmis Kókshe», «Hotteı», «Inter Trade» jaýapkershiligi shekteýli seriktestikteri men «Bondarenko», «Qol óner», «Bydanova E.G.», «Temesh» jeke kásipkerleri júldeli oryndardy enshiledi.
Shara barysynda óńir basshysy birqatar aqmolalyqtardy QR Prezıdenti atynan «Qazaqstan Konstıtýsııasyna 20 jyl» mereıtoılyq medaldarymen jáne óziniń alǵys hattarymen marapattady.
Baqbergen Amalbek.
Derek, sýret: egemen.kz