Baǵyty aıqyndalǵan baǵdarlama

“Nur Otan” halyqtyq-demo­kra­tııalyq partııasynyń oblys­tyq fılıaly Elbasy N.Nazar­baev­tyń halyqqa bıylǵy Jol­daýy men partııanyń Halyqtyq tuǵyr­na­ma­syn, Memleket bas­shysynyń “ Nur Otannyń” HII sezinde bergen tapsyrmalaryn júzege asyrý má­se­leleri boıynsha “ashyq esik” kúnin ótkizdi. Onyń jumysyna Parlament Májili­siniń depýtaty Nıkolaı Týreskıı arnaıy kelse, prokýratýra men qarjy polısııa­synyń, oblystyq ishki ister de­par­tamentiniń qyz­metkerleri, Azyq-túlik kelisim-shart kor­po­ra­sııasynyń ókilderi, “Damý” ká­sipkerlikti damytý qo­ry­nyń basshylary, orta jáne sha­ǵyn  kásipkerlikpen aınalysa­tyn­dar qatysty. Jıynda oblystyq ónerkásip jáne kásipkerlik basqarmasy bas­ty­ǵynyń orynbasary Murat An­da­baev eki satymen júzege asy­ry­latyn “Bıznestiń jol kartasy- 2020” baǵdarlamasynyń baǵyt- maqsattary týraly aıtyp, mem­leketimiz osy baǵdarlama arqyly otandyq kásipkerlerge qoldaý kórsetetinine jan-jaqty toq­tal­dy. Kásipkerler bolsa, bankter­diń ózderine qoıatyn sharttary tym qatal degen máseleni alǵa tartty. Kásipkerlik sektordy toqy­raý­­dan aman alyp qalý, kele­she­ginen úmit kúttiretin bıznes ókil­derine, ká­siporyndarǵa memleket­tiń ba­rynsha qoldaý kórsetýin qamtama­syz etý qajettigi ortaǵa salyndy. О́ńirde  atalǵan baǵ­darlamany jú­zege asyrý úshin 973 mln. teńge bólinse, ony oblystyq ónerkásip jáne kásipkerlik basqarmasy úılestirip otyrady. Sondaı-aq, jıynda “Damý” qorynyń dırek­tory R.Taltýsov aıtylǵan máse­le­lerge baılanysty oı-paıymymen bólisti. “Ashyq esik” kúninde orta jáne shaǵyn kásipkerlikti damy­tý­dyń­ ózge de máseleleri ashyq aıtyldy. Kúmisjan BAIJAN. Almaty oblysy.