ASTANA. 3 sáýir. Orta salmaqta kásipqoı bokstan WBA (Super), IBO jáne WBC (Interim) tujyrymdary boıynsha álem chempıony Gennadıı Golovkınniń 16 mamyrda Vıllı Monroǵa qarsy jekpe-jek ótkizetini belgili. Atalǵan boks keshine bıletter osydan eki apta buryn satylymǵa shyǵaryldy. Búginge deıin 5 000 bılet satylǵan. Bul týraly radiotochka.kz habarlady.
Uıymdastyrýshylar qalǵan bir jarym aıdyń ishinde taǵy 8 000 bılet satýǵa nıetti. Sóıtip, jankúıerler sanyn 13 000-ǵa jetkizbekshi.
Aıta keteıik, alǵashqy táýlikte 2 500 bılet satylǵan. Eń arzan bıletti 30 dollarǵa alýǵa bolady. Al eń qymbaty 300 dollardan satylýda.
Golovkın men Monro arasyndaǵy jekpe-jek 16 mamyrda AQSh-tyń Los-Andjeles qalasyndaǵy The Forum arenasynda ótedi. Bul – otandasymyzdyń osy jyldaǵy ekinshi aıqasy bolmaq. Aqpan aıynda ol ulybrıtanııalyq Martın Mıýrreıdi jeńgen bolatyn. Jalpy, búginge deıin 32 kezdesý ótkizip, barlyǵynda jeńiske jetken chempıonymyz sonyń 29-yn nokaýtpen aıaqtady. Al qarsylasy Vıllı Monro barlyǵy 19 jekpe-jek ótkizip, sonyń bireýinde jeńilgen. Ol 6 kezdesýde qarsylastaryn nokaýtqa jibergen.
Elaman Qońyr.
Derek: radiotochka.kz.
Sýret: thesweetscience.com.