2015 jylǵy 26 aqpan, Astana, Úkimet Úıi
Medısınalyq jáne farmasevtıkalyq qyzmetti lısenzııalaýdyń keıbir máseleleri týraly
«Ruqsattar jáne habarlamalar týraly» 2014 jylǵy 16 mamyrdaǵy Qazaqstan Respýblıkasy Zańynyń 10-babynyń 2) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Mynalar:
1) oblystardyń, respýblıkalyq mańyzy bar qalanyń jáne astananyń jergilikti atqarýshy organdary medısınalyq jáne farmasevtıkalyq qyzmetti júzege asyrý boıynsha lısenzıar bolyp;
2) Qazaqstan Respýblıkasy Ulttyq ekonomıka mınıstrligi Tutynýshylardyń quqyqtaryn qorǵaý komıtetiniń tıisti aýmaqtaǵy aýmaqtyq bólimsheleri medısınalyq jáne farmasevtıkalyq qyzmetke lısenzııa berýdi kelisýdi júzege asyratyn organdar bolyp belgilensin.
2. «Medısınalyq jáne farmasevtıkalyq qyzmetti lısenzııalaýdyń keıbir máseleleri týraly» Qazaqstan Respýblıkasy Úkimetiniń 2013 jylǵy 31 qańtardaǵy № 71 qaýlysyna (Qazaqstan Respýblıkasynyń PÚAJ-y, 2013 j., № 13, 242-qujat) mynadaı ózgeris engizilsin:
2-tarmaq alyp tastalsyn.
3. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.