ASTANA. 4 sáýir. Keńes Odaǵynyń Batyry Ivan Panfılovtyń nemeresi, elimizdiń tanymal kompozıtory Baqytjan Baıqadamovtyń qyzy Aıgúl Baıqadamovany óziniń úıiniń aldynda belgisiz bireýler soqqyǵa jyǵyp ketti. Bul týraly tengrinews.kz habarlady.
A.Baıqadamova: «Meni soqylaǵandar álde bireýlerden tapsyrys alǵan. Taıaýda ǵana men áleýmettik jeli arqyly «Georgıı lentasy» jaıly ashyq oıymdy bildirgen edim. Qashanda týrasyn aıtatyn meniń pikirim qarsylastaryma unamady», – deıdi.
Aıta keteıik, oqıǵa 2 sáýir kúni, qas qaraıǵan ýaqytta oryn alǵan. Aýladaǵy kólik jaıdyń aldynda soqqyǵa jyǵylǵan jábirlenýshini sol mańnan ótip bara jatqan jigit kórip, kómekke kelgen. Álgi jigit dárigerlik jedel járdem shaqyrǵan. Alaıda, polısııaǵa habarlasýdy Aıgúl Baıqadamovanyń ózi jón sanamapty. Boıynan úreı baıqalmaǵan ol: «Men batyrdyń urpaǵymyn», – deıdi.
Polıseılerdiń aıtýynsha, qazirgi tańda jedel-tergeý sharalary júrgizilip jatyr. Tergeý aıasynda sot-medısınalyq saraptama belgilendi.
Talǵat Raıymbek.
Derek, sýret: tengrinews.kz.